სოფელ ქვემო რენეში ცენტრალურ ავტობანთან დამაკავშირებელი გზის რეაბილიტაციის სამუშაოები დაიწყო, რომელსაც ელექტრონულ ტენდერში გამარჯვებული შპს „იბოლია“ ორ ეტაპად ახორციელებს. მშენებელი ამჟამად რკინაბეტონის კიუვეტების - სანიაღვრეების მოწყობაზე მუშაობს. გზაზე ასევე გაკეთდება ეზოში შესასვლელები  და საგზაო ნიშნები. 

კასპის მუნიციპალიტეტის კოდისწყაროს ადმინისტრაციულ ერთეულში შემავალი სოფლების ნიგოზას, ჩობალაურის, ქვემო და ზემო რენეს ადგილობრივი მნიშვნელობის, თბილისი - სენაკი - ლესელიძეს ავტობანთან დამაკავშირებელი გზის რეაბილიტაციის სამუშაოები გასულ წელს დაიწყო.

პროექტი გარდამავალია და 2022 წელსაც გრძელდება. 2021 წელს დასრულდა სოფლების  ჩობალაურის და ზემო რენეს გზების კეთილმოწყობა. წელს კი სოფელ ქვემო რენესა და ნიგოზას გზების რეაბილიტაცია დასრულდება.

პროექტის სრული (4 სოფელი) ღირებულება 1 336 200 ლარია, რომელიც რეგიონალური განვითარების ფონდისა და კასპის მუნიციპალიტეტის ადგილობრივი ბიუჯეტის მიერ ფინანსდება.

ათეული წლებია ქვემო რენეს გზას რეაბილტაცია არ ჩატარებია, გზაზე გადაადგილება უჭირს როგორც მოსახლეობას, ასევე ტრანსპორტს, განსაკუთრებით ნალექიან ამინდში.

პროექტის განხორციელების შედეგად გზები აღარ იქნება გაუვალი,  მოსახლეობის გადაადგილება გახდება უსაფრთხო და კომფორტული. საგზაო ინფრასტრუქტურის მოწყობა, განსაკუთრებით სოფელში მისასვლელის მოსახლეობისთვის უმნიშვნელოვანესია, ამიტომ ვცდილობთ შესაძლებლობის ფარგლებში დროულად მოვაგვაროთ - აღნიშნა კასპის მუნიციპალიტეტის მერმა ვახტანგ მაისურაძემ.

ავტორი: NS (სტატია დაფინანსებულია),

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა