სოფლად ვაქცინაციის ფარგლებში, COVID -19-ის საწინააღმდეგო ვაქცინაცია თხილნარის თემის სამედიცინო ამბულატორიაში ჩატარდა. დღეს, მახოსა და თხილნარის სოფლების მოსახლეობა, საჯარო სკოლებისა და სკოლამდელი აღზრდის დაწესებულებების თანამშრომლები აიცრნენ. ინფორმაციას აჭარის ჯანდაცვის სამინისტროს პრესსამსახური ავრცელებს.

მათივე ცნობით, ვაქცინაციის პროცესს აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე აჭარის საზოგადოებრივი ჯანდაცვის ცენტრის ხელვაჩაურის განყოფილების ხელმძღვანელთან, ნატო ნაკაშიძესთან ერთად გაეცნო. მინისტრმა სამედიცინო პერსონალსა და მოსახლეობას აქტიურობისა და გამოჩენილი ინტერესისათვის მადლობა გადაუხადა.

"კორონავირუსის საწინააღმდეგო ვაქცინაცია აჭარის მუნიციპალიტეტების არაერთ სოფელში ტარდება და პროცესი მზარდია. დღეს ჩვენ პროცეს თხილნარის ამბულატორიაში ვაკვირდებით. მსურველთა რაოდენობა საკმაოდ მაღალია. აქტიურობის ერთ-ერთი მიზეზი საკოორდინაციო საბჭოს მიერ ბოლო პერიოდში გაჟღერებული ინიციატივებია, რომელიც მწვანე პასპორტის გამოყენებასა და 60 წელს ზემოთ მოქალაქეებისათვის ფულად წახალისებას, ერთჯერადად 200 ლარის გაცემას ითვალისწინებს. მოგეხსენებათ, რომ ქვეყნის მასშტაბით მაღალია ინფიცირების შემთხვევები, ამიტომ ყველას მოვუწოდებ მიმართონ ამბულატორიებს და ჩაიტარონ ვაქცინაცია", - განაცხადა მინისტრმა, ნინო ნიჟარაძემ.

დღემდე სოფლის ამბულატორიებში ჩატარებულია 3000-ზე მეტი ვაქცინა. ჯამში აჭარაში ადმინისტრირებულია 224 547 დოზა ვაქცინა. აცრილია სამიზნე კონტიგენტის - 65 %.

ავტორი: NS (სტატია დაფინანსებულია),

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები