სოფლად ვაქცინაციის ფარგლებში, აჭარის ა/რ ჯანმრთელობისა და სოციალური დაცვის მინისტრი ნინო ნიჟარაძე, შუახევის მუნიციპალიტეტის მერთან ომარ ტაკიძესთან და საზოგადოებრივი ჯანდაცვის შუახევის განყოფილების უფროსთან, ფიქრია ჯუმუშაძესთან ერთად, ნიგაზეულის სამედიცინო ამბულატორიაში კოვიდსაწინააღმდეგო ვაქცინაციის პროცესს ადგილზე გაეცნო.

კოვიდსაწინააღმდეგო იმუნიზაცია შუახევის მუნიციპალიტეტის ყველა ამბულატორიასა და თემის სამედიცინო პუნქტში, ადგილობრივი თვითმმართველობების მხარდაჭერით ტარდება. ადგილობრივებისთვის ხელმისაწვდომია ფაიზერის, სინოფარმისა და სინოვაკის ვაქცინები.

,,აცრა ჩავიტარე ნიგაზეულის ამბულატორიაში, მეუღლესთან ერთად. ყველა ხანდაზმულს, ყველა ასაკის ადამიანს მოვუწოდებ მივიდნენ უახლოეს სამედიციო პუნქტში და ჩაიტარონ ვაქცინაცია, ჩვენივე ჯანმრთელობისთვის“ - აღნიშნა, ნიგაზეულში მცხოვრებმა ხანდაზმულმა, ნოდარ ხიმშიაშვილმა.

სოფლად მცხოვრებ მოსახლეობას შესაძლებლობა აქვს სერვისით სახლთან ახლოს, სოფლიდან გაუსვლელად, უახლოეს სამედიცინო პუნქტში ისარგებლოს. ამ დროისათვის, სოფლად ვაქცინაციის ფარგლებში, გასული ერთი თვის განმავლობაში ადმინისტრირებულია 2 500-ზე მეტი ვაქცინა.

,,აქტიურად გრძელდება ვაქცინაციის პროცესი ყველა უბანზე. ასევე ჩართულია ზამლეთის ადმინისტრაციული ერთეული ვაქცინაციის მარათონში. რა თქმა უნდა, სოფლად ვაქცინაციის პროცესში კოორდინირებულად ვთანამშრომლობთ ადგილობრივ თვითმმართველობასთან და უმნიშვნელოვანესია სამინისტროს ჩართულობა, ერთად ვახორციელებთ კარდაკარ შეხვედრებს და კოვიდსაწინააღმდეგო იმუნიზაციას“ - აღნიშნა საზოგადოებრივი ჯანდაცვის შუახევის განყოფილების უფროსმა, ფიქრია ჯუმუშაძემ.

ჯამში აჭარაში სულ - ჩატარებულია 222 940 დოზა ვაქცინა. მათ შორის: I დოზით აცრილია- მოსახლეობის 32.2 %, 18 წელს ზემოთ 43.6 %; II დოზით - მოსახლ 29.6 %, 18 წელს ზემოთ 38.8 %; ხოლო სამიზნე ჯგუფის - 64.7 %.

ავტორი: NS (სტატია დაფინანსებულია),

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან