გახარია ივანიშვილს - მოსწონს ეს რეალობა? ქართველის მიერ ქართველის წინააღმდეგ ცოცხის გაცოცხლება 9 წლის შემდეგ

2021-10-15 22:57:24, 1019 ნახვა

პოლიტიკა

რას ნიშნავს საქართველოში ქართველის მიერ ქართველის წინააღმდეგ ცოცხის გაცოცხლება 9 წლის შემდეგ - 9 წლის შემდეგ! ძალიან მაინტერესებს და დარწმუნებული ვარ საქართველოს თითოეულ მოქალაქეს იგივე კითხვა აქვს - ასე მიმართვა პარტია "საქართველოსთვის" ლიდერი გიორგი გახარია ბიძინა ივანიშვილს "ტვ პირველის" ეთერში.

„ბიძინა ივანიშვილს მინდა მივმართო. მან, მიუხედავად იმისა, რომ პოლიტიკიდან წავიდა და წასვლა დაანონსა, ხომ გამონახა შესაძლებლობა, რომ წერილი დაეწერა და ჩემთვის მოღალატე ეწოდებინა. მე მინდა ვთხოვო, რომ კიდევ ერთი გამონაკლისი დაუშვას და აი ახლა აგვიხსნას უბრალოდ, როგორ აფასებს იმ რეალობას, რაც დღეს საქართველოში ხდება" - განაცხადა გიორგი გახარიამ ტვ პირველის ეთერში.

გახარიამ კითხვით მიმართა ბიძინა ივანიშვილს თუ როგორ აფასებს რეალობას, რომელიც საქართველოში დღეს ხდება.

„მოსწონს ეს რეალობა თუ არ მოსწონს ეს რეალობა და რას ნიშნავს საქართველოში ქართველის მიერ ქართველის წინააღმდეგ ცოცხის გაცოცხლება 9 წლის შემდეგ - 9 წლის შემდეგ! ძალიან მაინტერესებს და დარწმუნებული ვარ საქართველოს თითოეულ მოქალაქეს იგივე კითხვა აქვს - ვინ არის ამაზე პასუხისმგებელი და თუ ამაზე პასუხისმგებელი არიან ოცნების დღევანდელო ბოსები - ესეც ვიღაცამ ხომ უნდა გვითხრას" - განაცხადა გიორგი გახარიამ.