ცესკომ არჩევნებში ჩართული სხვადასხვა სიბიექტების მიერ დარღვევებთან დაკავშირებით გავრცელებული ინფორმაცია უარყო

2021-10-02 18:22:57, 448 ნახვა

პოლიტიკა

ცესკომ არჩევნებში ჩართული სხვადასხვა სუბიექტების მიერ, დარღვევებთან დაკავშირებით გავრცელებული ინფორმაცია უარყო.

როგორც ცესკოში გამართულ ბრიფინგზე პრეს-სპიკერმა ნათია იოსელიანმა განაცხადა, გავრცელდა ინფორმაცია, რომ გარდაბნის 41-ე უბანზე 100 ადამიანი შეიყვანეს, რომლებიც არ იყვნენ ამომრჩეველთა სიაში და მათ ხმა მიაცემინეს. აღნიშნული არ შეესაბამება სიმართლეს.

"თელავის 50-ე უბანზე დამკვირვებელი ნაკადის მომწესრიგებლის ნაცვლად იდგა, რაც პროცედურულ დარღვევას წარმოადგენს და ამ დროისთვის ეს გაურკვევლობა აღმოფხვრილია.
ასევე გავრცელდა ინფორმაცია, რომ დიდუბეში, 41-ე საარჩევნო უბანზე, აღმოჩნდა მთაწმინდის ბიულეტენები. შედგენილია სამართალდარღვევის აქტი, და ახსნა-განმარტებაც დაწერილია. საუბნო საარჩევნო კომისია იმსჯელებს აღნიშნულზე და მიიღებს შესაბამის გადაწყვეტილებას. კენჭისყრის პროცესი აღნიშნულ უბანზე გრძელდება. - აღნიშნა ნათია იოსელიანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან