2021-09-24 12:00:10, 1089 ნახვა

---

აშშ-ის დაავადებათა კონტროლის ცენტრმა გარკვეული ჯგუფებისთვის COVID-19-ის საწინააღმდეგო ვაქცინის მესამე დოზის ნებართვა გასცა

დღეიდან მილიონობით ამერიკელს „კოვიდ-19“-ის საწინააღმდეგო ვაქცინის მესამე დოზის გაკეთების შესაძლებლობა ექნება. - ამის შესახებ შესაბამისი ნებართვა აშშ-ის დაავადებათა კონტროლისა და პრევენციის ცენტრმა გასცა.

ექსპერტების განცხადებით, ე.წ. ბუსტერ დოზის გაკეთება რეკომენდებულია როგორც 65 წელს გადაცილებული ადამიანებისთვის, ისე 50-დან 64 წლამდე პირებისთვის, რომელთაც მძიმე ქრონიკული დაავადებები აღენიშნებათ.

„ფაიზერის“ დამატებითი დოზის გაკეთება დაშვებული იქნება მეორე დოზით აცრიდან ექვს თვეში.

ამასთან, აშშ-ის დაავადებათა კონტროლის ცენტრის საექსპერტო ჯგუფმა „ფაიზერის“ მესამე დოზით 18-დან 49 წლამდე იმ მოქალაქეების აცრის რეკომენდაციას მხარი არ დაუჭირა, რომლებიც სამედიცინო სფეროში მუშაობენ ან სხვა სარისკო პროფესიას წარმოადგენენ, თუმცა დაავადებათა კონტროლის ცენტრის დირექტორი არ დაეთანხმა საექსპერტო ჯგუფის გადაწყვეტილებას და აღნიშნული რეკომენდაცია მაინც გასცა.
ექსპერტები გნმარტავენ, რომ სამივე ვაქცინა, რომელიც შეერთებულ შტატებში გამოიყენება ,ძალიერი დაცვა აქვს მძიმე ავადმყოფობის, ჰოსპიტალიზაციისა და სიკვდილისგან.

ცნობისთვის, სრულად ვაქცინირებულია 182 მილიონი ამერიკელი, რაც მოსახლეობის 55%-ია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი