„თალიბანი“ თხოვნით მიმართავს მსოფლიო ლიდერებს, რათა ამ კვირაში ნიუ იორკში დაგეგმილ გაეროს გენერალურ ასამბლეაზე სიტყვით გამოსვლის  უფლება მიეცეთ.-ამის შესახებ BBC-ი წერს.

როგორც სააგენტო იუწყება, გაეროს კომიტეტი იმსჯელებს აღნიშნულ მოთხოვნაზე.

გაეროს წარმომადგენლის თქმით, მაღალი დონის დებატებში მონაწილეობის მოთხოვნას განიხილავს „რწმუნებათა სიგელების კომიტეტი“, რომლის  წევრები არიან აშშ, ჩინეთი და რუსეთი.

„თალიბანის“ განცხადებით, უკვე დამხობილი მთავრობის ელჩი ვერ იქნება მათი წარმომადგენელი გაეროში, სწორედ ამიტომ მათ დოჰაში მყოფი სპიკერი, სუჰაილ შაჰინი გაეროში, ავღანეთის ელჩად  დაასახელეს.

გაეროს წესების თანახმად, ღულამ ისაკაი, ავღანეთის უკვე გადაყენებული მთავრობის წარმომადგენელი დარჩება ავღანეთის ელჩად გლობალურ ორგანოში.

არცერთ მთავრობას არ აქვს ოფიციალურად აღიარებული „თალიბანი“, როგორც ავღანეთის ახალი მთავრობა და გაეროს მიერ ელჩის კანდიდატურაზე თანხმობა იქნება მნიშვნელოვანი ნაბიჯი საერთაშორისო აღიარებისკენ.

„თალიბების“ განცხადებით  რამდენიმე ქვეყანა აღარ აღიარებს ყოფილი პრეზიდენტი აშრაფ ღანი ლიდერად.

 ღანიმ მოულოდნელად დატოვა ავღანეთი,  მას შემდეგ რაც „თალიბები“ დედაქალაქ ქაბულისკენ  დაიძრნენ.  მან თავიარაბეთის გაერთიანებულ საემიროებს შეაფარა.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია