„დემოკრატიის ინდექსი - საქართველო“ 18 ივლისს, პარლამენტში შინაგან საქმეთა მინისტრის, ვახტანგ გომელაურის პლენარულ სხდომაზე მოსმენის შეწყვეტას  საკანონმდებლო ორგანოს მიერ კონსტიტუციური ვალდებულების დარღვევად აფასებს.

როგორც DI-ის მიერ გავრცელებულ განცხადებაში ვკითხულობთ, შს მინისტრის მოსმენის შეწყვეტა ქმნის განცდას, რომ საპარლამენტო უმრავლესობა ცდილობს მთავრობის თვითნებობის გადაფარვას.

ამასთანავე, „დემორატიის ინდექსი - საქართველო“ მიიჩენვს, რომ მმართველი პარტიის მიერ ჟურნალისტებისა და ოპოზიციის წარმომადგენლების პროტესტი სხდომათა დარბაზში, მინისტრის მოსმენის შეწყვეტის საბაბად გამოიყენება, რაც ქმნის განცდას, რომ უმრავლესობას არ სურდა 5 ივლისის ძალადობრივ მოვლენებთან დაკავშირებით ვახტანგ გომელაურის მოსმენა.

„პლენარულ სხდომაზე მინისტრის მოსმენის დაწყებას წინ უძღოდა მედიის წარმომადგენლებისა და საპარლამენტო ოპოზიციის მხრიდან პრემიერ-მინისტრის და შსს სმინისტრის გადადგომის მოთხოვნის შემცველი საპროტესტო ბანერების და გარდაცვლილი ოპერატორის ფოტოების გამოფენა. მიუხედავად იმისა, რომ გამოხატვის ეს ფორმა ხელს არ უშლიდა სხდომის წარმართვას, საპარლამენტო უმრავლესობამ არ ისურვა პროტესტის ფონზე მინისტრის მოსმენა. უმრავლესობის ლიდერის განცხადებით პროტესტი ამორალური იყო და არსებული დესტრუქციის ფონზე საქმიანი პროცესის გაგრძელება შეუძლებელად მიიჩნია. იგივე პოზიცია გააჟღერა ფრაქცია „ქართული ოცნების“ თავმჯდომარემ. მიუხედავად იმისა, რომ ყველა ოპოზიციური ჯგუფის სურვილი კითხვა-პასუხის რეჟიმის გაგრძელება იყო,  პარლამენტის თავმჯომარემ სხდომა შეწყვიტა.

მმართველი პარტიის მიერ დემოკრატიული პროტესტის მინისტრის მოსმენის შეწყვეტის საბაბად გამოყენება ქმნის განცდას, რომ მათ არ სურდათ 5 ივლისს მომხდარ ძალადობრივ ფაქტებთან დაკავშირებით შინაგან საქმეთა მინისტრის მოსმენის ჩატარება. ამავეს ადასტურებს ისიც, რომ 5 ივლისის შემდეგ, სხვადასხვა დროს, ოპოზიციის არაერთი მოთხოვნის მიუხედავად[2], შინაგან საქმეთა მინისტრი კომიტეტის თავმჯდომარის მიერ კომიტეტის სხდომაზე არ იქნა დაბარებული. მსგავსი პრეცედენტები ძირს უთხრის პარლამენტის ინსტიტუციურ დამოუკიდებლობას, აკნინებს მის საკონტროლო უფლებამოსილებებს და ხელს უშლის ქვეყნის დემოკრატიული განვითარების პროცესს“, - ვკითხულობთ DI-ს მიერ გავრცელებულ განცხადებაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ივანიშვილის რეჟიმი ტუტუშკების მორალის პოლიციას აყალიბებს, რომლებიც მოქალაქეებს ღიად გაუსწორდება

რეჟიმის შსს ადასტურებს აქცის 10 მონაწილის დაკავებას ბანერების გამო

ბანერების გამო საპროტესტო აქციის მონაწილეები დააკავეს, პოლიციამ მომიტინგეებს სცემა

ბანერის ჭერის გამო თორნიკე თოშხუა წვრილმანი ხულიგნობის მუხლით დააკავეს