19-ივლისიდან 15-სექტემბრამდე, აჭარაში, „მობილური კლინიკა სახლთან ახლოს“ ერთდროულ სკრინინგს განახორციელებს, - ინფორმაციას ამის შესახებ აჭარის ჯანდაცვის სამინისტროს პრესსამსახური ავრცელებს.

„19 ივლისიდან - 15 სექტემბრამდე, აჭარაში, მობილური კლინიკა, რომელიც აღჭურვილია რენტგენოგრაფიის ციფრული აპარატით, Xpert სისტემითა და ყველა სხვა ლაბორატორიული ინსტრუმენტით, "ერთი კარის" პრინციპით, სახლთან ახლოს განახორციელებს ტუბერკულოზის, COVID-19-ის, C ჰეპატიტის, აივ/შიდსის, დიაბეტის და არტერიული ჰიპერტენზიის ერთდროულ სკრინინგს.

დაავადებათა სკრინინგი „აჭარისა და სამეგრელო-ზემო სვანეთის რეგიონებში ნულოვანი ტუბერკულოზის ინიციატივის ხელშეწყობა და ტუბერკულოზის აქტიური გამოვლენა, COVID-19-ის, აივ/შიდსის, C ჰეპატიტის აქტიური სკრინინგისა და კონტაქტების კვლევის პილოტირების გზით“ პროექტის ფარგლებში ხორციელდება.

სკრინინგი ბათუმის, ხელვაჩაურის, ქობულეთისა და ხულოს მუნიციპალიტეტბში მცხოვრებ 800-მდე ადამიანს ჩაუტარდება. წინასწარ შერჩეულ ცხელ წერტილებში კვლევა უახლესი ინსტრუმენტულ-ლაბორატორიული მეთოდებით განხორციელდება.

დღეს დემოკრატიული ჩართულობის ცენტრში, პროექტის განმახორციელებელი დაწესებულებებისათვის ტრენინგი გაიმართა, რომელსაც საქართველოს ფთიზიატრთა და პულმონოლოგთა ასოციაციის წარმომადგენელი, ნელი სოლომონია უძღვებოდა.

პროექტი ხორციელდება საქართველოს ფთიზიატრთა და პულმონოლოგთა ასოციაციის, დაავადებათა კონტროლისა და საზოგადოებრივი ჯანმრთელობის ეროვნული ცენტრის, აჭარისა და ზემო სვანეთის საზოგადოებრივი ჯანდაცვის ცენტრების და შიდსთან, ტუბერკულოზსა და მალარიასთან ბრძოლის გლობალური ფონდის ეგიდით.

აქტიური სკრინინგი დროული დიაგნოსტიკისა და წარმატებული მკურნალობის გარანტია“, - აღნიშნულია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა