2021-07-11 17:00:39, 837 ნახვა
სამართალი
შსს ოცნების ოფისთან შეკრებილებს მოუწოდებს, არ გასცდნენ გამოხატვის თავისუფლების ფარგლებს
საქართველოს შინაგან საქმეთა სამინისტრო ქართულ ოცნებასთან შეკრებილ მოალაქეებს მოუწოდებს, არ გასცდნენ შეკრებისა და გამოხატვის თავისუფლების კანონით დასაშვებ ფარგლებს. ამასთან, უწყება სპეციალურ განცხადებაში აფრთხილებს აქციის ორგანიზატორებს, "არ დაუშვან ძალადობისკენ მოწოდებები და უზრუნველყონ, რომ აქციებმა არ მიიღოს ძალადობრივი ხასიათი".
"შინაგან საქმეთა სამინისტრო უზრუნველყოფს საზოგადოებრივი წესრიგის და უსაფრთხოების დაცვას. სამართალდარღვევის ფაქტებზე სამინისტრო შესაბამის სამართლებრივ რეაგირებას მოახდენს", — აცხადებენ შსს-ში.
მათივე თქმით, უწყების თანამშრომლები მობილიზებულები არიან ქართული ოცნების ოფისთან და იცავენ საზოგადოებრივ წესრიგს.
ავტორი: ექსპრესნიუსი,
epn.ge (@expressnews.ge)
