დღეს აჭარის მთავრობის სხდომაზე მთავრობის თავმჯდომარემ, თორნიკე რიჟვაძემ, განახლებული ბიუჯეტი განიხილა.  უპრეცედენტო მოცულობის ბიუჯეტი ითვალისწინებს სწრაფ ეკონომიკურ აღმავლობას, სტრატეგიულად მნიშვნელოვანი და მასშტაბური პროექტების გაგრძელებას და გაფართოებას ყველა მიმართულებით, ყველა მუნიციპალიტეტში.

განათლება კვლავ რჩება პრიორიტეტად. აჭარის განათლების, კულტურისა და სპორტის სამინისტროს ბიუჯეტი 9 826 500 ლარით გაიზრდება და 63 901 000 ლარს შეადგენს. გაგრძელდება საგანმანათლებლო ინფრასტრუქტურის გაუმჯობესება, განათლების დაფინანსება და ახალგაზრდების ხელშეწყობა.

,,ახალი სკოლების ნაკლებობა  წლების განმავლობაში იყო პრობლემა ჩვენი ქალაქისთვის. აშენდება სამი საჯარო სკოლა ბათუმში,   დაგეგმილია ძალიან დიდი პროექტები სხვადასხვა მუნიციპალიტეტებში. ახალი ბიუჯეტის ფარგლებში მოგვეცემა  საშუალება არსებულ გამოწვევას ვუპასუხოთ“, - აღნიშნა თორნიკე რიჟვაძემ.

განახლებული ბიუჯეტის ფარგლებში გაიზრდება სახელოვნებო-სასპორტო დაწესებულების თანამშრომელთა შრომის ანაზღაურება.

დაიწყება უნივერსიტეტის ახალი კამპუსის მშენებლობის პროექტირება, გაიზრდება სტუდენტთა დახმარების პროგრამები.

აშენდება ახალი საჯარო სკოლები, სამი საჯარო სკოლა ბათუმში, სკოლები ქვემო ვაშლოვანისა და კალოთაში. ჯამში, 2021 წელს განხორციელდება 14 სკოლის მშენებლობა. 40 სკოლას ჩაუტარდება რეაბილიტაცია. გაგრძელდება სკოლების თანამედროვე ტექნიკით და ინვენტარით აღჭურვის პროგრამა.

გაიზრდება  კულტურული მემკვიდრეობის დაცვის დაფინანსება 386 400 ლარით,  გაორმაგდა თავისუფალი პროექტებისა და კულტურული აქტივობების დაფინანსება. კულტურული მემკვიდრეობის დაცვის სააგენტოს განახლებული ბიუჯეტი 2 835 000 ლარი იქნება.

ავტორი: NS (სტატია დაფინანსებულია),

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია