აჭარის ა/რ ჯანმრთელობისა და სოციალური დაცვის მინისტრმა, ნინო ნიჟარაძემ მიგრაციის საერთაშორისო ორგანიზაციის (IOM) საქართველოს მისიის ხელმძღვანელთან, სანია სელებიჩ-ლუკოვაცისთან შეხვედრა გამართა.

შეხვედრის მიზანს კოვიდ პანდემიის პერიოდში აჭარის ჯანდაცვის სამინისტროსა და IOM-ის მიერ განხორციელებული პროექტების განხილვა და სამომავლო გეგმების გაცნობა წარმოადგენდა. შეხვედრაზე ასევე საუბარი შეეხო მიგრაციის კუთხით რეგიონალურ გამოწვევებს.

მინისტრმა, ნინო ნიჟარაძემ საერთაშორისო ორგანიზაციის წარმომადგენლებს აჭარაში არსებული ეპიდემიოლოგიური ვითარება და ვაქცინაციის პროცესის მიმდინარეობა გააცნო. მადლობა გადაუხადა ორგანიზაციის მერ ავტონომიურ რესპუბლიკაში განხორციელებული პროექტებისა და მიგრანტებისათვის გაწეული დახმარებისათვის.

მიგრაციის საერთაშორისო ორგანიზაცია არასამთავრობო სექტორთან ერთად აჭარაში ახორციელებს რამდენიმე პროექტს, მათ შორისაა - უცხოელ მიგრანტთა ჰუმანიტარული დახმარების პროგრამა. ამავე ორგანიზაციის ტექნიკური მხარდაჭერითა და კონსულტაციით აჭარიდან გემანიაში გახორციელდა სამუშაოს მაძიებელთა ლეგალური დასაქმება. შეხვედრაზე სწორედ ამ საკითხზე ისაუბრა აჭარის ა/რ დასაქმების სააგენტოს ხელმძღვანელმა, თეიმურაზ კახიძემ. მან ასევე წარმოადგინა ინფორმაცია სააგენტოს პროგრამების ფარგლებში მიგრანტებისათვის გაწეული დახმარების შესახებ.

სამინისტროში გამართულ შეხვედრას მინისტრის მოადგილე, ზურაბ თენიეშვილი, მიგრაციის საერთაშორისო ორგანიზაციის პროგრამის მენეჯერი, მაია ვიბლერი და ბათუმის ოფისის კოორდინატორი, ნანა პაპიაშვილი ესწრებოდენენ.

ავტორი: NS (სტატია დაფინანსებულია),

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია