„ნამახვანჰესის“ საწინააღმდეგო აქციის ორგანიზატორი ვარლამ გოლეთიანი აცხადებს, რომ ოპოზიციის ნაწილისგან და ხელისუფლებისგან მათ წინააღმდეგ შავი კამპანიაა აგორებული.

როგორც ვარლამ გოლეთიანმა ჟურნალისტებს განუცხადა, ხელისუფლებისთვის დღეს, 12:00 საათამდე მიცემული ვადის ამოწურვის შემდეგ, პროტესტი არ შეწყდება მანამ, სანამ არ გადაწყდება ხალხის სასარგებლოდ.

„ჩვენ ამ პროტესტს არ შევწყვეტთ, იმიტომ რომ არის სამართლიანი და არგუმენტირებული პროტესტი, ამიტომ გაგრძელდება, ვიდრე ეს ყველაფერი არ გადაწყდება ხალხის სასარგებლოდ. ამიტომ 12 საათისთვის ჩვენ გავაკეთებთ სცენიდან განცხადებას. სამთავრობო უწყებებთან მივალთ, გზას გადავკეტავთ, ამ კონკრეტიკას ამ ეტაპზე არ ვაკეთებთ და არც ვანიჭებთ რაიმე უპირატესობას.

თუ ვინმეს უფრო მეტად სჭირდება გაცნობიერება, ვთხოვთ, რომ გაერკვეს საკითხში და ნუ აყვება შავ პიარ კამპანიას, რომელიც აგორებულია მთელი ამ ბრძოლის ირგვლივ, ვხედავთ, ოპოზიციის დიდი ნაწილისგან და ხელისუფლება, ბუნებრივია გვაშავებს, ამაში გასაკვირი არაფერია, თუმცა ვხედავთ ზოგადად შეტევას ჩვენი მისამართით“, -განაცხადა ვარლამ გოლეთიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ