2021-05-23 13:13:31, 561 ნახვა
კომენტარი
ამირან გამყრელიძის განცხადებით, ქვეყანაში კორონავირუსის ინდური შტამის შესწავლა მიმდინარეობს
დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ქვეყანაში კორონავირუსის ინდური შტამის შესწავლა მიმდინარეობს.
ამირან გამყრელიძე ტელეკომპანია „რუსთავი 2“-ის ეთერში ასევე აღნიშნა, რომ შესაძლოა ბრიტანული შტამი ინდურმა შტამმა ჩაანაცვლოს.
„შესწავლა მიმდინარეობს, მაგრამ დადასტურებული არ გახლავთ. გიდასტურებთ, რომ შესწავლა მიმდინარეობს.
ყველგან არის შესაძლებელი, საქართველო გამონაკლისი არ არის. მოგეხსენებათ ევროპაში გამოჩნდა ინდური შტამი, ისევე როგორც ბრაზილიური და სამხრეთ აფრიკული.
პროგნოზი არის, რომ ინდურმა შტამმა ევროპაში თანდათან ბრიტანული შტამი ჩაანაცვლოს“, - განაცხადა ამირან გამყრელიძემ.
ავტორი: ექსპრესნიუსი,
epn.ge (@expressnews.ge)
