„არ მგონია, რომ „გირჩის“ კანონპროექტი დღის წესრიგში იდგეს, 20 ივნისი სხვა თემებთან არაფერ შუაშია“, - ამის შესახებ „ერთიანი ნაციონალური მოძრაობის“ ლიდერმა ზაალ უდუმაშვილმა განაცხადა.

მან ასევე აღნიშნა, რომ პარტიების ნაწილი „ქართული ოცნებისგან“ მოტყუებული დარჩნენ.

„არ მგონია, რომ ახლა დღის წესრიგში უნდა იდგეს საკითხი ასე, როგორც ამას ეს პოლიტიკური გაერთიანება აყენებს. 20 ივნისი სხვა თემებთან არაფერ შუაშია.

ჯერ გადაწყვეტილება 20 ივნისთან დაკავშირებით მივიღოთ, იმ ამნისტიის პროექტთან დაკავშირებით, რომელზეც პასუხისმგებლობა აიღეს მათ შორის „გირჩის“ მონაწილეობით, რომელიც ამაზე საუბრობს.

მესმის, გარკვეული პარტიებისთვის რთულია, როდესაც, პრაქტიკულად, მოტყუებულები დარჩნენ „ქართული ოცნების“ შემდეგ.

„ქართულმა ოცნებამ“ შემოიტანა მახინჯი და ბარბაროსული კანონპროექტი ამნისტიასთან დაკავშირებით და დიდი ალბათობით, ეს კანონპროექტი შეიძლება, გავიდეს.

ახლა ეძებენ გამოსავალს, მაგრამ ჯობს, ახლა იმ კანონპროექტზე კონცენტრირდენ, რომელიც მისაღებია.

არ მგონია, საერთოდ, ეს კანონპროექტი ინიცირებული იყოს“, - განაცხადა ზაალ უდუმაშვილმა.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი