2021-05-19 14:58:40, 516 ნახვა

---

დეკანოზი ანდრია ჯაღმაიძე - დმანისში მშვიდობისკენ გადაიდგა ნაბიჯები, მათ გამყარება და წახალისება სჭირდება

საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაიძე აცხადებს, რომ დმანისში არსებული კონფლიქტის დარეგულირება არის სასიხარული, მნიშვნელოვანი ნაბიჯი, რომელსაც სჭირდება გამყარება.

„გუშინ მშვიდობისკენ გადაიდგა ნაბიჯი, ჩვენთვის ეს არის სასიხარულო, მნიშვნელოვანი ამბავი და დღეს ვაცნობიერებთ, რომ ამ ნაბიჯს სჭირდება გამყარება, წახალისება, რომ საბოლოოდ მოხდეს აღმოფხვრა ყველა იმ საფუძვლებისა, რომელზეც შესაძლოა, მომხდარიყო მსგავსი უსიამოვნება“, - განაცხადა დეკანოზმა ანდრია ჯაღმაიძემ.

მანვე აღნიშნა, რომ დმანისში მომხდარი მოვლენების უფრო დიდ მასშტაბში გადაზრდის მცდელობა გარე ძალისგან იყო ინსპირირებული.

„იმ გარემოებებიდან გამომდინარე, რაც ჩვენ იქ ვიხილეთ, ადგილზე რომ ჩავედით, დაველაპარაკეთ ხალხს, სრულიად ცხადი გახდა, რომ ამ კონფლიქტის უფრო დიდ მასშტაბში გადაზრდის მცდელობა გარედან იყო ინსპირირებული რაღაც ძალის მიერ. ძალიან სამწუხარო იქნება, თუ ჩვენ ვერ მოვახერხებთ, რომ დროულად აღვკვეთოთ ხოლმე მსგავსი ტენდენციები“, - დასძინა დეკანოზმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი