საქართველოს შინაგან საქმეთა მინისტრი ვახტანგ გომელაური დმანისში მომხდარ ინციდენტთან დაკავშირებით აცხადებს, რომ ყველა კანონდამრღვევი პირი, სრული სიმკაცრით დაისჯება.

როგორც ვახტანგ გომელაური აღნიშნავს, ქვეყნის მტრობაა, ვინც ამბობს, რომ აღნიშნლი დაპირისპირება არის ეთნიკური თემა.

მანვე დასძინა, რომ დმანისში მომხდარი თემის გაღვივებასა და გამწვავებას ხელისუფლება არ დაუშვებს.

„აზერბაიჯანელები და ქართველები ჩვენი მოქალაქეები არიან. ერთად ცხოვრობენ საუკუნეების მანძილზე, ჩვენი ძმები არიან ყველა და ამას არ დავუშვებთ, ეს თემა არ უნდა გადაიზარდოს ეთნიკურ დაპირისპირებაში, რა თქმა უნდა. გამოძიება დაწყებულია, მიმინარეობს.

ეთნიკურად აზერბაიჯანელები არიან, პირველ რიგში, ჩვენი მოქალაქეები, ამასთან, აზერბაიჯანი ჩვენი სტრატეგიული პარტნიორია, მოკავშირეა, მეზობელია და ჩვენი მეგობრები არიან. ეს არ უნდა დავუშვათ. ეს არის ქვეყნის მტრობა, ვინც ამბობს, რომ ეს არის ეთნიკური თემა და უნდა, რომ გაღვივდეს, გამწვავდეს. ამას არ დავუშვებთ“, - განაცხადა ვახტანგ გომელაურმა.

მინისტრის თქმით, გუშინელი დაპირისპირების შედეგად საპოლიციო ძალები იყო აგილზე შეყვანილი, თუმცა ეს არ აღმოჩნა საკმარისი.

„ჯერ დაკავებას ვერ გიდასტურებთ. ცუდი სიტუაცია იყო, ხალხი შეიკრიბა ძალიან სწრაფად და სწრაფად შეიქმნა ქაოსური ვითარება. გუშინდელი დღის შემდეგ გაძლიერებული იყო პოლიცია, მეტი ძალები იყო შემოყვანილი, თუმცა ეს ძალები არ აღმოჩნდა საკმარისი ამ შემთხვევაში. 150 კაცამდე იყო. რეალურად, მშვიდობიან დროს თუ არის 20 კაცი, სამწუხაროდ, გაათმაგებული იყო. ვერ მოხდა ამხელა მასის კონტროლი და მოხდა დამატებითი ძალების შემოყვანა დმანისში. აქედან გამომდინარე, ვითარება განიმუხტა ამის შემდეგ. ამიტომ ვერ მოხდა უსწრაფესად ამ ადამიანების შეჩერება და კონფლიქტის შეჩერება“, - განაცხადა შს მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი