ჯანდაცვის მინისტრის მოადგილე თამარ გაბუნია აცხადებს, რომ ტესტების მარაგები ქვეყანაში სისტემატურად იწურება და ივსება.

მინისტრის მოადგილის თქმით, არანაირი შეფერხება, ტესტირების ფარგლებში, ქვეყანაში არ იქნება.

„მარაგები სისტემატურად იწურება და ივსება. სამინისტრომ შეიძინა მილიონი ტესტი, რომელიც ჩამოვა ქვეყანაში მომდევნო კვირის დასაწყისში და არანაირი შეფერხება, ტესტირების ფარგლებში, ქვეყანაში არ იქნება“, - განაცხადა თამარ გაბუნიამ.

ცნობისთვის, „ევროპული საქართველოს“ მდივანი ჯანდაცვის საკითხებში ვახტანგ კალოიანი აცხადებს, რომ საქართველოში ანტიგენბაზირებული ტესტების დეფიციტია. 

„ჩვენთვის ცნობილი გახდა, დოკუმენტებით დადასტურებული, რომ საქართველოში საკმაოდ დიდი დეფიციტია ანტიგენბაზირებული ტესტების, სულ 25 ათასი გვაქვს დარჩენილი და ჯანდაცვის სამინისტრო ითხოვს სწრაფი შესყიდვის წესით მის შემოტანას, რაც საკმაოდ სახიფათოა ამ გაზრდილი რაოდენობის გათვალისწინებით. 25 ათასი არის სულ რამდენიმე დღის საჭირო დოზა. მსგავსი დეფიციტების შექმნა ძალიან სახიფათოა და ის მიუთითებს პროცესის ძალიან ცუდ დაგეგმვაზე“, - განაცხადა ვახტანგ კალოიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის