15 მაისი არის შესაძლებლობა თითოეული გაბრაზებული მოქალაქისთვის, რომ მოვიდეს და ბრაზი მკაფიოდ გამოხატოს, - ამის შესახებ ოპოზიციონერმა ლიდერმა, გიგი უგულავამ განაცხადა.

მისი თქმით, ოპოზიციის მიერ დაგეგმილ აქციასთან დაკავშირებით, დღეიდან ამომრჩევლებთან შეხვედრებს გამართავენ.

„დღეს კახეთი იქნება, ხვალ სხვა რეგიონი. მთელი საქართველოს მასშტაბით, ჩვენ, პირველ რიგში, უნდა მოვუსმინოთ ჩვენს ამომრჩევლებს. ადამიანებს, რომელთაც ბრაზი აქვთ იმის გამო, რომ ქვეყანა, რომელსაც ამდენი რესურსი აქვს, მიდის უკან, იმის ნაცვლად, რომ წავიდეს წინ. ხელისუფლება უქმნის მათ ისეთ ილუზორულ განცდას, გეგონება საქართველოში სიტუაცია ყვაოდეს. პირველ რიგში, ჩვენ შევხვდებით იმ ადამიანებს, ვისაც პროტესტი აქვთ. სწორედ ასეთი ადამიანები დადიან აქციაზე. ჯერ ვემზადებით 15 მაისისთვის. ეს არის შესაძლებლობა თითოეული გაბრაზებული მოქალაქისთვის, რომ მოვიდეს და ბრაზი მკაფიოდ გამოხატოს“, - განაცხადა გიგი უგულავამ.

ცნობისთვის, 15 მაისს დაანონსებულ აქციასთან დაკავშირებით, ოპოზიციური პარტიების წარმომადგენლები დღეიდან რეგიონებში გასვლით შეხვედრებს იწყებენ. პირველი შეხვედრა - კახეთში გაიმართება.

ავტორი: ექსპრესნიუსი,

სოციალური ქსელები

სუს-მა ქვეყნის მასშტაბით ელექტროენერგიის მიწოდების ავარიულად გათიშვის გამო გამოძიება საბოტაჟის მუხლით დაიწყო

მახინჯაურის სანაპიროსთან ზღვაში, სავარაუდოდ, რუსული საბრძოლო მასალა შენიშნეს

ბათუმში ავარიას ორი ადამიანის სიცოცხლე ემსხვერპლა, ათამდე ადამიანი დაშავდა

Wall Street Journal: ბაჰრეინმა და ქუვეითმა ირანზე ფარულად დარტყმები განახორციელეს