ნათელი იყო, რომ მოსამართლე პირდაპირ აპირებდა პოლიტიკური დაკვეთის შესრულებას, - ასე ეხმაურება „ნაციონალური მოძრაობის“ წევრი, თინა ბოკუჩავა სასამართლოს გადაწყვეტილებას, რომლის თანახმად, ნიკა მელიას პატიმრობა შეეფარდა.

მისი თქმით, დღევანდელ პროცესზე პროკურატურამ გირაოს ნაცვლად ნიკა მელიას პატიმრობაში დატოვება მოითხოვა, რითაც გააბათილა ის სიცრუის კამპანია, რასაც „ქართული ოცნება“ ბოლო ორი თვის განმავლობაში ახორციელებდა.

„ნათელი იყო, რომ მოსამართლე პირდაპირ აპირებდა პოლიტიკური დაკვეთის შესრულებას. მოსაფიქრებლად არც გასულა, ადგილზევე დატოვა ძალაში პატიმრობის მოთხოვნა. მთელი აბსურდი იცით რა არის? ამ ხნის განმავლობაში „ქართული ოცნების“ მაღალჩინოსნები მათ შორის უცხოელებთან და საზოგადოების წინაშე ამტკიცებდნენ, რომ თუ ნიკა მელიას სურდა გირაოს გადახდა, ამის ფაქტობრივი შესაძლებლობა არსებობდა. დღეს ჩვენ ვნახეთ, რომ ნაცვლად გირაოს მოთხოვნისა, პატიმრობა მოითხოვეს და ამით გააბათილეს ის სიცრუის კამპანია, რასაც „ქართული ოცნება“ ახორციელებდა ბოლო ორი თვის განმავლობაში“, – განაცხადა თინა ბოკუჩავამ.

ცნობისთვის, „ნაციონალური მოძრაობის“ თავმჯდომარე, ნიკა მელია სასამართლომ პატიმრობაში  დატოვა.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი