„ივანიშვილის რეჟიმი აზრზე ჯერ არ მოსულა, რომ ეს მდგომაროება მათთვის დამღუპველია“, - ამის შესახებ „ევროპული საქართველოს“ ლიდერმა გიგა ბოკერიამ განაცხადა.

მან ასევე აღნიშნა, რომ „ქართული ოცნება“ პარტნიორებთან აგრესიული განცხადებებით ცდილობს შეინარჩუნოს სტატუსკვო.

„ჯერჯერობით ივანიშვილსა და პერსონალურად მის გარემოცვას არ შეუცვლია თავისი ქვეყნისთვის დამღუპველი პოზიცია, რომ ყველა მეთოდით, მათ შორის პარტნიორების მიმართ ასეთი აგრესიული განცხადებები, ასეთ დოკუმენტზეც კი ხელის არ მოწერით, შეუძლიათ შეინარჩუნონ სტატუსკვო. ეს არის მძიმე რეალობა, ეს სიახლე არაა.

ჩვენი ეროვნული ამოცანები არის იგივე, რაც იყო დღემდე - ეს არის ქვეყნის შიგნით ამ ადამიანისთვის მაქსიმალური ლეგიტიმური მშვიდობიანი პრობლემების შექმნა, სანამ მას მიტაცებული აქვს ძალაუფლება და სახელმწიფო, რომ ჩვენი პარტნიორების წნეხი გაიზარდოს.

„ოცნებამ“ ამ დოკუმენტს ხელი არ მოაწერა, არც ერთ პუნქტს. საუბარი არ ყოფილა არჩევნებზე და ამიტომ არ არის ჩვენთვის მისაღები. ივანიშვილის რეჟიმი ჯერ მომწიფებული არ არის გონებაში, აზრზე ჯერ არ მოსულა, რომ მდგომაროება ქვეყნისა და მათთვის დამღუპველია“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის