თავდაცვის მინისტრმა ჯუანშერ ბურჭულაძემ საკუთარი მოადგილის დავით სუჯაშვილის Facebook პოსტთან დაკავშირებით „რუსთავი 2“ -ის ეთერში განაცხადა, რომ საზოგადოების მხრიდან გამოხმაურებების შემდეგ სუჯაშვილმა ბოდიში მოიხადა და განმარტა, რომ პოსტი შეცდომით დაიდო მის სოციალურ ქსელში.

„მან თვითონ განმარტა, რომ მისი თანაშემწის შეცდომაა, ის არის მძიმე მდგომარეობაში და სთხოვა საზოგადოებას, რომ აღარ განევრცოთ აღნიშნული თემა, მაგრამ სამწუხაროდ ხდება ხოლმე“, - განაცხადა მინისტრმა.

მისი შეფასებით, დავით სუჯაშვილს დიდი წვლილი მიუძღვის უწყების წარმატებული რეფორმების გატარებასა და რუსეთის აგრესიის წინააღმდეგ ბრძოლაში.

„ჩემი აზრით, ჩვენს უწყებაში, ჩვენი ხელმძღვანელობის პერიოდში ბატონი პრემიერის მიერ დაწყებული ინიციატივები მაღალი ტემპით მიდის და ჩვენ პირველი ხელმძღვანელობა ვართ უწყებაში, ვინც პრაქტიკულად სრულიად თქვა უარი საბჭოთა მემკვიდრეობაზე, ყველა გეგმა შეთანხმებულია და გაკეთებულია პარტნიორებთან ერთად. ბატონი დავითის წვლილი ჩვენს შედეგებში, მათ შორის, რუსეთის აგრესიის წინააღმდეგ არის უზარმაზარი“, - განაცხადა ჯუანშერ ბურჭულაძემ.

ავტორი: NS (სტატია დაფინანსებულია),

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ