„ქართული ოცნების“ ლიდერის, ირაკლი კობახიძის განცხადებით, გარკვეული პოზიციები უკვე შეჯერებულია და მეტი კონკრეტიკა ხვალინდელი შეხვედრის შემდეგ იქნება.

მან იმედი გამოთქვა, რომ ხვალ მოლაპარაკებები წარმატებით დასრულდება.

„საინტერესო დისკუსია შედგა დღეს, განვიხილეთ მთელი რიგი საკითხები, მათ შორის რაღაცებზე პოზიციები უკვე იყო შეჯერებული, თუმცა გრძელდება სხვა საკითხების განხილვა და იმედი გვაქვს, რომ ხვალ გაგრძელდება განხილვა კონსტრუქციულ რეჟიმში. რამდენიმე მნიშვნელოვანი საკითხი იყო, შესვენებაც გვქონდა შუაში, ყველა საკითხი ვერ ამოვწურეთ, ხვალ გაგრძელდება განხილვა და ვნახოთ, ამის შემდეგ როგორ დასრულდება პროცესი. ჩვენ გვქონდა ასევე დამატებითი შეხვედრები, გაგრძელდა ეს შეხვედრები, კონსულტაციები მუდმივ რეჟიმში მიმდინარეობს და კიდევ ერთხელ გამოვთქვამ იმედს, რომ ხვალ წარმატებით დასრულდება.

მეტი კონკრეტიკა იქნება სავარაუდოდ ხვალ, რადგან წინაზეც იყო ინფორმაცია, რომ ბატონი დანიელსონი მიდიოდა, მაგრამ მერე შეიცვალა, ახლა არ გავუსწრებ მოვლენებს, ანუ ხვალ გაგრძელდება კონსულტაციები. შევხედოთ, როგორ გაგრძელდება პროცესი, ხვალ დამატებით საკითხებზე ვისაუბრებთ, იმედი გვაქვს, რომ შეთანხმება იქნება მიღწეული და ამისთვის ყველაფერს გავაკეთებთ, ჩვენი მხრიდან აბსოლუტურად კონსტრუქციული მიდგომა იქნება“, – განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა