თურქეთში სამოგზაუროთ ელექტრონული ანკეტის შევსება სავალდებულო იქნება. შესაბამის სარეგისტრაციო ფორმას, რომელიც 15 მარტიდან ამოქმედდება, რესპუბლიკის ჯანდაცვის სამინისტრო ავრცელებს.

ანკეტაში მოგზაურის შესახებ რამდენიმე მონაცემი იქნება ასახული, მათ შორის სახელი, გვარი, ეროვნება, პასპორტის და ტელეფონის ნომრები, ასევე ელექტრონული ფოსტის მისამართი. 

სპეციალური ფორმის შევსება მოგზაურობის მსურველებს გამგზავრებამდე 72 საათით ადრე მოუწევთ.

ჯანდაცვის სამინისტროში აცხადებენ, რომ თურქეთის საზღვრის კვეთამდე მესაზღვრეები გადაამოწმებენ, შევსებული აქვს თუ არა მგზავრს ანკეტა. იმ შემთხვევაში, თუ ის არ იქნება შევსებული ან მოქალაქეს ექნება შეტანილი მცდარი ინფორმაცია, შესაძლოა მას ადმინისტრაციული სანქციები დაეკისროს. 

ამასთან, თურქული მხარის ინფორმაციით, კორონავირუსის გავრცელების პრევენციის ფარგლებში, სახმელეთო, საზღვაო და საჰაერო გზით თურქეთის ტერიტორიაზე შემომავალი უცხო ქვეყნების მოქალაქეების მიერ ბოლო 72 საათის განმავლობაში გაკეთებული PCR ტესტის უარყოფითი პასუხის დამადასტურებელი ცნობის წარდგენის ვალდებულება გაგრძელდება 2021 წლის 15 აპრილამდე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან