„ქართული მხარის მხრიდან „ფაიზერის“ მიმართებაში არ ყოფილა შეფერხება“, - ამის შესახებ ჯანდაცვის მინისტრის მოადგილემ, თამარ გაბუნიამ, განაცხადა.

როგორც ის ამბობს, გავრცელებული ინფორმაცია რომ ქართულმა მხარემ ვერ დააკმაყოფილა „ფაიზერის“ მიერ დაყენებული მოთხოვნების, სიმართლეს არ შეესაბამება. მისი თქმით, განმარტებებთან დაკავშირებით, „კოვაქსის“ პლატფორმას უკვე მიმართეს.

„2020 წლის 18 სექტემბერს, როდესაც შეიქმნა კოვაქსის პლატფორმა და საქართველო შეუერთდა ამ პლატფორმას 8 ოქტომბერს ქვეყანამ გადაიხადა 5 მილიონზე მეტი, რომ ვაქცინის გარანტირებული დოზა ჰქონოდა. ვაქცინის დანერგვაზე მუშაობა ნოემბერში დაიწყო. 2021 წლის 18 იანვარს ქვეყანამ გააკეთა განაცხადი კოვაქსის პალატრფორმაზე მზაობის დასადასტურებლად, რომ მზადაა მიიღოს ნებისმიერი ცივი ჯაჭვის მოთხოვნის ვაქცინა. 28 იანვარს ქვეყანამ  მიიღო დამადასტურებელი პასუხი, რომ გადაეცემა ფაიზერის 29 ათასი დოზა და გადაეცემა ასტრაზენეკას 180 ათასი დოზა.  28 იანვრის შემდეგ ქვეყანამ დაიწყო მუშაობა შესყიდვის პროცედურებზე, როდესაც ჩვენ ველოდით ფაიზერის ვაქცინის შემოსვლას ქვეყანაში თებერვლის შუა რიცხვებიდან შუალედური კომუნიკაციების შემდეგ კოვაქსმა გვაცნობა, რომ არის გარკვეული დამატებითი მოთხოვნები ფაიზერის მიერ, რომელიც ქვეყნის ტექნიკურ მზაობას ვაქცინის მიღებისთვის არ უკავშირდება. დღეს არის პირველი მარტი. ჩვენ დღესაც ველოდებით ფაიზერისა და კოვაქსიდან სატელეფონო ზარის ზუსტ თარიღს, სადაც უკვე ზუსტად შევთანხმდებით იმაზე, რომ პირები, რომელიც მათ ჩამოაყალიბეს და საქართველომ უკვე დაადასტურა მზაობა. ქართული მხარის მხრიდან „ფაიზერის“ მიმართებაში არ ყოფილა შეფერხება და როგორც კი მათი საბოლოო დასტური გვექნება, ქართული მხარი ამ ნაწილს დახურავს და ფინანსურ მხარეზე გადავა.

გაჟღერდა ინფორმაცია, თითქოს საქართველომ ვერ დააკმაყოფილა მზაობის მოთხოვნები. ჩვენ მივმართეთ კოვაქსს და განმარტება მოვითხოვეთ რადგან მათ წერილებში მიზეზად ეს არ ყოფილა მითითებული“, - განაცხადა თამარ გაბუნიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები