„უფლებები საქართველო“ ჟურნალისტ ვახო სანაიაზე  და თანმხლებ პირებზე განხორციელებული თავდასხმის ფაქტს ეხმაურება.

არასამთავრობო ორგანიზაცია გმობს მომხდარ ფაქტს და მოუწოდებს გენერალურ პროკურატურას, სანაიას საქმეზე გამოკვეთოს შეუწყნარებლობის მოტივის არსებობა.

„საჯაროდ გავრცელებული ინფორმაციის თანახმად, 25 თებერვალს, ტელეკომპანია „ფორმულას"წამყვანს, ვახო სანაიას და მასთან ერთად მყოფ პირებს თავს დაესხა ჯგუფურად რამდენიმე პირი.  მომხდარ ფაქტთან დაკავშირებით გამოძიება საქართველოს სისხლის სამართლის კოდექსის 126-ე მუხლის პირველი პრიმა ნაწილის "ბ" და "გ" ქვეპუნქტებით მიმდინარეობს, რაც ორი ან მეტი პირის მიმართ ჯგუფურად ჩადენილ ძალადობას გულისხმობს.  თავად ჟურნალისტის განმარტებით, მასზე და თანმყოფ პირებზე განხორციელებული სიტყვიერი და ფიზიკური თავდასხმის საფუძველს პირადად მისი პროფესიული და ზოგადად კრიტიკული არხების საქმიანობა წარმოადგენდა.

„უფლებები საქართველო" მოუწოდებს საქართველოს გენერალურ პროკურატურას, გამოძიების საწყის ეტაპზევე მიუთითოს სასჯელის დამამძიმებელ გარემოებებზე. კერძოდ, საქართველოს სისხლის სამართლის კოდექსის 531 მუხლის 1-ლი ნაწილის დებულებებზე, რომელიც ადგენს სასჯელის დამამძიმებელ გარემოებას დანაშაულის „...სხვა ნიშნით შეუწყნარებლობის მოტივით" ჩადენისთვის.

ამასთან, „უფლებები საქართველო" საგანგაშოდ მიიჩნევს ბოლო პერიოდში ჟურნალისტებზე განხორციელებული თავდასხმების გახშირებას და მოუწოდებს შესაბამის უწყებებს, დროულად და ეფექტიანად წარმართონ გამოძიება ამ და მსგავს მიმდინარე საქმეებზე. თავის მხრივ, „უფლებები საქართველოს" გუნდი მზადყოფნას გამოხატავს, სამართლებრივი მხარდაჭერა გაუწიოს დაზარალებულ პირებს“, - აღნიშნულია განცხადებაში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან