ეკატერინე ტიკარაძე: ქობულეთში მომხდარი ტრაგედია ძალადობის წინააღმდეგ მულტისექტორული ჩართულობის აუცილებლობაზე მიგვითითებს

2021-02-21 20:18:49, 462 ნახვა

კომენტარი

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატმა ეკატერინე ტიკარაძემ პარლამენტში ქობეულეთში მომხდარ ტრაგედიაზე ისაუბრა და აღნიშნა, რომ ბავშვთა ზრუნვა უწყების ერთ-ერთი მთავარი პრიორიტეტია.

„ბავშვზე ზრუნვა ჩვენი უწყების ერთ-ერთი მთავარი პრიორიტეტია. მიუხედავად იმისა, რომ ჩვენი რესურსი მაქსიმალურად არის მიმართული ბავშვთა უფლებების და მათი საუკეთესო ინტერესების დაცვაზე, სამწუხაროდ ჩვენ კვლავ ვდგავართ მნიშვნელოვანი გამოწვევების წინაშე. ამაზე მეტყველებს სულ ახლახანს ქობულეთის რაიონში მომხდარი ტრაგედია, რის გამოც მინდა ღრმა მწუხარება გამოვთქვა. მომხდარმა ფაქტმა ჩვენ მოგვცა ნიშანი, რომელიც სისტემის გაძლიერებაზე და ძალადობის წინააღმდეგ მულტისექტორული ჩართულობის აუცილებლობაზე მიგვითითებს",- განაცხადა ეკატერინე ტიკარაძემ.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),