ეს უტიფარი განცხადებები, რომელიც დესტრუქციული ოპოზიციის წარმომადგენლის მხრიდან მოვისმინეთ, ყოვლად მიუღებელია, - ასე ეხმაურება თავდაცვის მინისტრი ირაკლი ღარიბაშვილი „ნაციონალური მოძრაობის“ თავმჯდომარისთვის დაკისრებული გირაოს გადახდის საკითხს.

მისი თქმით, მელია ჯერ კიდევ ვერ ჩამოყალიბებულა უნდა გადაიხადოს თუ არა დაკისრებული გირაო.

„ჩვენ ვართ სახელმწიფო, რომელიც იმართება კანონებით. შესაბამისად, ყველა ის მოქალაქე, რომელიც ღიად აცხადებს, რომ არ ემორჩილება კანონს და სახელმწიფო ინსტიტუტებს, აქ პასუხი ძალიან მარტივია. სახელმწიფო მოქმედებს კანონების შესაბამისად. აქედან გამომდინარე, მინდა ვთქვა, რომ ეს უტიფარი განცხადებები, რომელიც ჩვენ ამ დესტრუქციული ოპოზიციის წარმომადგენლის მხრიდან მოვისმინეთ, ყოვლად მიუღებელია. რაღაცას წვალობს ბატონი მელია. როგორც ჩანს, ვერ ჩამოყალიბებულა უნდა გადაიხადოს თუ არ უნდა გადაიხადოს გირაო, ნაკლებად საინტერესოა“, - განაცხადა ირაკლი ღარიბაშვილმა.

ცნობისთვის, „ნაციონალური მოძრაობის“ თავმჯდომარეს, ნიკა მელიას დაკისრებული გირაოს თანხის გადახდის ვადა დღეს ეწურება. მას 2020 წლის 20 ივნისს, საკანონმდებლო ორგანოსთან განვითარებული მოვლენების დროს „ჯგუფური ძალადობის ხელმძღვანელობას და მასში მონაწილეობას“ ედავებიან.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს