ნათია თურნავა ოპოზიციაზე - კრიტიკა მარტივია, რთულია პასუხისმგებლიანი გადაწყვეტილებების მიღება

2021-02-04 20:10:47, 572 ნახვა

კომენტარი

„კრიტიკა მარტივია, რთულია პასუხისმგებლიანი გადაწყვეტილებების მიღება“, - ამის შესახებ ეკონომიკის მინისტრმა ნათია თურნავამ ტელეკომპანია „რუსთავი 2“-ის ეთერში განაცხადა.

მან ასევე აღნიშნა, რომ დღეს ხელისუფლებას აკრიტიკებს ის ძალა, რომლის კარგად ნამართი კრიზისი ვერავინ ნახა.

„ვინ გვაკრიტიკებს?! ისეთი ძალები, რომელთა წინა ხელისუფლებაში ყოფნის დროს მათი კარგად ნამართი კრიზისი ჩვენ ვერცერთი ვერ ვნახეთ.

აქედან გამომდინარე, კრიტიკა მარტივია, რთულია პასუხისმგებლიანი გადაწყვეტილებების მიღება, ჩვენი გადაწყვეტილებები ყოველთვის არ არის პოპულარული, არ არის ყველასთვის მისაღები მაგრამ, დღემდე ვახერხებთ იმას, რომ დანის წვერზე გავდივართ და ბალანსს მეტ-ნაკლებად ვიცავთ.

არ შეიძლება ყველა კმაყოფილი იყოს, იმიტომ, რომ ამ სიტუაციაში არ არსებობს გადაწყვეტილება, რომელიც ყველას აწყობს“, - განაცხადა ნათია თურნავამ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,