საქართველოს ფეხბურთის ფედერაციის საარჩევნო ყრილობის უკვე ყოფილი დელეგატი გეგა გობეჯიშვილის განცხადებით, ლევან კობიაშვილის წრიდან მეგობრებმა გააფრთხილეს, რომ მისი დაკავება იგეგმებოდა.

როგორც გობეჯიშვილმა აღნიშნა, მას სამართალდამცველები უსმენდნენ და ზუსტად იცოდნენ როდის გამოვიდოდა სახლიდან.

„დაკავება მოხდა სადარბაზოში, როდესაც მოვდიოდი „ჰოლიდეი ინნ“-ში დასარჩენად, იმიტომ, რომ დილით ვიცოდი ზუსტად, რომ ეს ოპერაცია იყო დაგეგმილი. იმისთვის, რომ არ მომხდარიყო ეს დაკავება, გადავწყვიტე ღამე დავრჩენილიყავი აქ და დილით ჩამოვსულიყავი პირდაპირ ყრილობაზე. არ დაივიწყოთ, რომ ისევ იმ დროში ვცხოვრობთ, როდესაც ყველას გვისმენენ და ზუსტად იცოდნენ როდის გამოვიდოდი. ერთი კვირა არ გამოვსულვარ სახლიდან, იმიტომ, რომ გართხილებული ვიყავი ჩემი მეგობრების მხრიდან, ლევანის წრიდან, რომ ეს იგეგმებოდა ჩემს მიმართ. მელაპარაკა ბევრი ადამიანი“, - განაცხადა გეგა გობეჯიშვილმა.

ცნობისთვის, გეგა გობეჯიშვილი ადმინისტრაციულ სამართალდარღვევათა კოდექსის 45-ე მუხლით იყო დაკავებული, რაც ნარკოტიკული საშუალების მოხმარებას გულისხმობს. იგი სამართალდაცველებმა გვიან ღამით დააკავეს.

თბილისის საქალაქო სასამართლომ გეგა გობეჯიშვილი დღეს 500 ლარის ოდენობის ჯარიმის სანაცვლოდ გაათავისუფლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბელგოროდზე დრონებით თავდასხმის შედეგად ცხრა ადამიანი დაიჭრა

FIFA-ს გადაწყვეტილებას ფეხბურთის მსოფლიო ჩემპიონატში შოუ გამოიყენოს, გულშემატკივრები დაუპირისპირდნენ

NYT: ტრამპის ადმინისტრაციამ შეიმუშავა გეგმა მომავალ კვირას ირანზე დარტყმების განახლების შესახებ

პუტინმა ხელი მოაწერა ბრძანებულებას დნესტრისპირეთის მაცხოვრებლებისთვის პასპორტების დარიგების შესახებ