ევროსაბჭოს საპარლამენტო ასამბლეის წევრთა ნაწილმა, მათ შორის საქართველოს დელეგაციამ, რუსეთის დელეგაციის უფლებამოსილება გაასაჩივრა.

აღნიშნულ ინფორმაციას რუსული მედია ავრცელებს.

როგორც მათ მიერ გავრცელებულ ინფორმაციაშია აღნიშნული, სტრასბურგში მიმდინარე სესიაზე აღნიშნული ინიციატივით უკრაინის მმართველი პარტია „ხალხის მსახურის“ დელეგაციის თავმჯდომარე, დეპუტატი მარია მეზენცევა გამოვიდა.

მარია მეზენცეტავს სიტყვით გამოსვლის შემდეგ, პროცედურის თანახმად, ჩატარდა კენჭისყრა, რომელზეც უმრავლესობამ მხარი დაუჭირა ასამბლეის რეგლამენტის მე-8 მუხლის შესაბამისად რუსეთის დელეგაციისთვის უფლებამოსილების გასაჩივრებას. 

აღნიშნულ კენჭისყრაზე რუსეთის დელეგაციისთვის უფლებამოსილების გასაჩივრებას ხუთი ეროვნული დელეგაციის 38-მა პარლამენტარმა დაუჭირა მხარი, წინააღმდეგ წავიდა 61, ხოლო 51-მა დეპუტატმა პოზიციის დაფიქსირებისგან თავი შეიკავა.

საპროცედურო წესების თანახმად, აღნიშნული საკითხი გადაეგზავნება ევროპის საბჭოს საპარლამენტო ასამბლეის შესაბამის კომიტეტს ანგარიშის მოსამზადებლად და ის კვირის ბოლოს განიხილება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს