პირველად ისტორიაში მთამსვლელებმა მსოფლიოს მეორე უმაღლესი მწვერვალი K-2 ზამთრის სეზონზე დალაშქრეს.

ამის შესახებ ინფორმაციას „ბი ბი სი“ ავრცელებს.

მედიის ცნობით, ექსპედიციაში მონაწილეობას 10 ნეპალელი ალპინისტი იღებდა.

BBC-ის ინფორმაციით, ზამთარში ამ მწვერვალზე ტემპერატურა ხშირად -60 გრადუსამდე ეცემა, ქარის სიჩქარე კი 200 კმ/სთ-ს აღწევს, რის გამოც აქამდე მწვერვალი ზამთარში არავის დაულაშქრავს.

ჯგუფის წევრმა მთამსვლელმა ნიმსდაი პურჯამ თქვა, რომ მწვერვალს ადგილობრივი დროით 17:00 საათზე (GMT) მიაღწიეს.

ექსპედიციის დროს ესპანელი მთამსვლელი, სერგი მინგოტე დაიღუპა.

მას უკვე დიდი ხანია მოიხსენიებენ, როგორც „ველური მთას“, სახელი, მას აშშ-ს მთამსვლელმა ჯორჯ ბელმა შეარქვა, 1953 წელს მისი დალაშქვრის უშედეგო მცდელობის შემდეგ განაცხადა, რომ „ეს არის ველური მთა, რომელიც შენს მოკვლას ცდილობს“.

2008 წელს აღნიშნული მთიდან ზვავის ჩამოწოლის შედეგად თერთმეტი ალპინისტი დაიღუპა.

მეტი ინფორმაციისთვის, გეტყვით, რომ მწვერვალის სიმაღლე 8 611 მეტრს შეადგენს.

ის პაკისტანსა და ჩინეთს შორის მდებარეობს და ჰიმალაის მთების სისტემას ეკუთვნის.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს