Snapchat-მა დონალდ ტრამპს ანგარიშზე წვდომა სამუდამოდ შეუჩერა.

ამის შესახებ Snapchat-ის სპიკერმა განაცხადა.

„გასულ კვირას ჩვენ განვაცხადეთ პრეზიდენტ ტრამპის Snapchat (SNAP) ანგარიშის განუსაზღვრელი დროით შეჩერების შესახებ და ვაფასებდით, თუ რა ხანგრძლივობის ქმედება აჯობებს ჩვენი Snapchat-ის საზოგადოების ინტერესებისთვის.

საზოგადოებრივი უსაფრთხოების ინტერესებიდან გამომდინარე და მისი მცდელობების გამო, გაევრცელებინა დეზინფორმაცია, სიძულვილის ენა და წაეხალისებინა ძალადობა, რაც ჩვენი მითითებების აშკარა დარღვევაა, ჩვენ მივიღეთ გადაწყვეტილება მისი ანგარიშის სამუდამოდ შეჩერების შესახებ“, - განაცხადა Snapchat-ის სპიკერმა.

შეგახსენებთ, რომ დონალდ ტრამპის ვიდეოს შემდეგ, რომელშიც ის კაპიტოლიუმში შეჭრილ მხარდამჭერებს მიმართავდა და სოციალურ ქსელში გაავრცელა, პრეზიდენტის სოციალური ქსელის ანგარიშები ერთმანეთის მიყოლებით დაიბლოკა.

Facebook-მა მიმართვის ვიდეო წაშალა და Facebook-სა და Instagram-ზე პრეზიდენტს წვდომა ჯო ბაიდენის ინაუგურაციამდე შეუზღუდა.

Twitter-მა კი დონალდ ტრამპს ანგარიში სამუდამოდ გაუუქმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს