სასჯელაღსრულებისა და პრობაციის მინისტრი კახა კახიშვილი დღეს ბათუმის N3 მაღალი რისკის დაწესებულებას მედიის წარმომადგენლებთან ერთად ესტუმრა.

როგორც „ექსპრესნიუსს“ სასჯელაღსრულოებისა და პრობაციის სამინისტროდან აცნობეს, მინისტრი დაწესებულებაში არსებულ პირობებს ჟურნალისტებთან ერთად დეტალურად გაეცნო.

 მათ მსჯავრდებულთა/ბრალდებულთა საცხოვრებელი საკნები, კვების ობიექტები, აფთიაქი, გრძელვადიანი პაემნების ოთახი და ტერიტორიაზე არსებული სხვა ინფრასტრუქტურა დაათვალიერეს.

კახა კახიშვილი დაინტერესდა როგორ და რა პირობებში უტარდებათ მსჯავრდებულებს/ბრალდებულებს სამედიცინო დახმარება.

ჟურნალისტებს საშუალება ჰქონდათ პირადად გასაუბრებოდნენ მსჯავრდებულებს და დაესვათ კითხვები მათთვის საინტერესო საკითხებზე, გაეგოთ რა პირობებში იხდიან ისინი სასჯელს.

„ბათუმის N3 დაწესებულების მიმართ დიდი დაინტერესება იყო და  დღეს იქ ჟურნალისტებთან ერთად შევედი. ამ დაწესებულების მსჯავრდებულების საჩივრების დიდი ნაწილი სამედიცინო მომსახურების ხელმისაწვდომობას და მედიკამენტების უკმარისობას უკავშირდებოდა. პირადად გავეცანი რა პირობებში იღებენ ისინი სამედიცინო მომსახურებას. უნდა აღვნიშნო, რომ არსებული ვითარებით კმაყოფილი დავრჩი. დაწესებულების სტანდარტები კანონმდებლობას სრულად შეესაბამება. რა თქმა უნდა, ციხეში მყოფი მსჯავრდებულების ნაწილს დისკომფორტი აქვს, განსაკუთრებით, როდესაც საუბარია მაღალი რისკის დაწესებულებაზე. მსჯავრდებულების საჩივრების პრეისტორიები ვიცით, მაგრამ ყურადღებას მაინც არ ვადუნებთ, რომ რაიმე არ გამოგვრჩეს“, - განაცხადა სასჯელაღსრულებისა და პრობაციის მინისტრმა.

მისი თქმით, დასავლეთ საქართველოში არსებული დაწესებულებების რევიზია გაგრძელდება, რის შემდეგაც მინისტრი თბილისის დაწესებულებებსაც მოინახულებს. 

განახლებული და ევროპულ სტანდარტებთან მაქსიმალურად მიახლოებული N3 დაწესებულება 2013 წლის 30 აპრილს გაიხსნა. დაწესებულების თითოეული საკანი აღჭურვილია ინდივიდუალური კონდინცირების სისტემით. დაწესებულებაში განთავსებულია ხანგრძლივი პაემნისთვის განკუთვნილი ოთახები, ბიბლიოთეკა, სასეირნო და სავარჯიშო სივრცე, აფთიაქი, მაღაზია და სხვა საჭირო ინფრასტრუქტურა. დღეის მდგომარეობით, დაწესებულებაში 141 მსჯავრდებული/ბრალდებულია განთავსებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას