აშშ-ს ვიცე-პრეზიდენტი, მაიკ პენსი ჯო ბაიდენის ინაუგურაციას დაესწრება, - ამის შესახებ ინფორმაციას „სიენენი“ ავრცელებს.

მედიის ცნობით, მაიკ პენსი გეგმავდა ინაუგურაციაზე დასწრებას, თუმცა გარკვეული სახის მოწვევას ელოდებოდა.

CNN წერს, რომ დონალდ ტრამპის მხრიდან მაიკ პენსი საკმაოდ დიდ ზეწოლას განიცდიდა, რადგან აშშ-ს პრეზიდენტი მას სხდომაზე ხმების დათვლის საზეიმო პროცესის შეჩერებას სთხოვდა.

მაიკ პენსმა ტრამპის მოთხოვნა არ გაითვალისწინა და უხელმძღვანელა საარჩევნო კოლეგიის სხდომას, რომელმაც საბოლოო შედეგები დაითვალა და ბაიდენის პრეზიდენტად არჩევა ოფიციალურად დაამტკიცა.

როგორც საზოგადოებისთვის ცნობილია, საარჩევნო ხმების დათვლის პროცესის პარალელურად კაპიტოლიუმის შენობაში ტრამპის მომხრეები შეიჭრნენ და იქ მყოფ პოლიტიკოსებს შენობის დატოვება მოუწიათ.

სხდომა რამდენიმე საათით გადაიდო, თუმცა შემდეგ ისევ ჩვეულ რეჟიმში განახლდა.

ჯო ბაიდენის განაცხადებით, მაიკ პენსის ინაუგურაციაზე დასწრება მისასალმებელი ფაქტია.

„ძალიან მნიშვნელოვანია ის ფაქტი, რომ მშვიდობიანად წარიმართოს ადმინისტრაციული ცვლილებები, მოხარული ვარ, რომ მაიკ პენსი ჩვენს გვერდითაა და ერთად აუცილებლად გავაგრძელებთ წინსვლას“, - განაცხადა ჯო ბაიდენმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს