ახალი ადმინისტრაციის ინაუგურაცია 20 იანვარს ჩატარდება, ახლა ჩემი ყურადღება ძალაუფლების მშვიდობიანად გადაცემისკენაა მიმართული, - ამის შესახებ აშშ-ის მოქმედი პრეზიდენტი დონალდ ტრამპი „ტვიტერის“ სოციალურ ქსელში გავრცელებულ ვიდეომიმართვაში აცხადებს.

როგორც მან აღნიშნა, ყველა, ვინც კაპიტოლიუმის შენობაში შეიჭრა, კანონდარღვევისთვის პასუხს აგებენ.

„თითოეული ამერიკელის მსგავსად, აღშფოთებული ვარ ძალადობითა და უკანონო ქმედებით. ამერიკა იყო და ყოველთვის იქნება კანონისა და წესრიგის ქვეყანა. დემონსტრანტებმა, რომლებიც კაპიტოლიუმში შეიჭრნენ, შეურაცხყვეს ამერიკული დემოკრატიის ადგილსამყოფელი. მივმართავ მათ, ვინც ამ ძალადობასა და ნგრევაში მონაწილეობდა: თქვენ არ წარმოადგენთ ჩვენს ქვეყანას, მათ, ვინც კანონი დაარღვია: ამისთვის გადაიხდით“,- განაცხადა დონალდ ტრამპმა.

ცნობისთვის, ვაშინგტონში, სადაც საპრეზიდენტო არჩევნების შედეგებს ამტკიცებდნენ, დონალდ ტრამპის მხარდამჭერები კაპიტოლიუმის შენობაში შეიჭრნენ. დემონსტრანტები ჯო ბაიდენის გამარჯვებას აპროტესტებდნენ. შენობიდან კონგრესმენთა ევაკუაცია განხორციელდა, არეულობის შედეგად კი ოთხი ადამიანი დაიღუპა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს