აშშ-ის კონგრესის სენატი და წარმომადგენელთა პალატა დღეს ერთობლივ სხდომას გამართავს, რომელზეც საპრეზიდენტო არჩევნების შედეგები უნდა დამტკიცდეს.

ამის შესახებ ინფორმაციას „ბიბისი“ ავრცელებს.

გამოცემის ცნობით, სხდომის პარალელურად, ვაშინგტონში დონალდ ტრამპის მხარდამჭერები მასშტაბურ საპროტესტო აქციას გამართავენ.

დაგეგმილი აქციის გამო, ქალაქში პოლიციასთან ერთად ეროვნული გვარდიის დანაყოფებიც იქნებიან მობილიზებული.

„რესპუბლიკელი“ კონგრესმენები ზოგიერთ შტატში არჩევნების შედეგების გაპროტესტებას აპირებენ. ისინი დარღვევების გამოსაძიებლად ორპარტიული საგამოძიებო კომისიის შექმნას ითხოვენ, რასაც კონგრესის ორივე პალატის თანხმობა სჭირდება. წარმომადგენელთა პალატაში უმრავლესობას „დემოკრატები“ ფლობენ, რის გამოც „რესპუბლიკელი“ კონგრესმენების მცდელობა, საპრეზიდენტო არჩევნების შედეგები გააპროტესტონ, უშედეგო იქნება.

შეგახსენებთ, რომ 2020 წლის 3 ნოემბერს, აშშ-ში ჩატარებული საპრეზიდენტო არჩევნების შედეგების თანახმად, დემოკრატმა კანდიდატმა ჯო ბაიდენმა ამომრჩეველთა კოლეგიის 306 ხმა მიიღო, ხოლო რესპუბლიკელმა დონალდ ტრამპმა 232 ხმა მოიპოვა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს