2021-01-05 12:02:28, 707 ნახვა
კომენტარი
თამარ გაბუნია - კორონავირუსის ახალი შტამი უფრო სწრაფად ვრცელდება და მეტი სიფრთხილეა საჭირო
ჯანდაცვის მინისტრის მოადგილემ, თამარ გაბუნიამ განაცხადა, რომ კორონავირუსის ახალი შტამით ინფიცირებული პირის კონტაქტები იდენთიფიცირებულები არიან.
მისი თქმით, ყველა მათგანი იზოლაციაში იმყოფება.
„ახალი შტამი კლინიკურად იგივე სახით მიმდინარეობს, რაც მანამდე ცნობილი შტამი მიმდინარეობდა. ერთადერთი რაც ცნობილია, არის ის, რომ ახალი შტაბი უფრო სწრაფად ვრცელდება და უფრო მეტი სიფრთხილეა საჭირო.
ერთი პირის ყველა კონტაქტი შესწავლილია და იმყოფებიან იზოლაციაში. ამ თვალსაზრისით სრული ეპიდკვლევაა ჩატარებული. რაც შეეხება იმას თუ რომელ ჯგუფს უფრო აზარალებს ეს ახალი შტამი, ამაზე დადასტურებული მონაცემი არ არის“, - აღნიშნა გაბუნიამ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
