იუსტიციის სამინისტრომ არასრულწლოვანთა დანაშაულისა და  ქალთა მიმართ ძალადობის პრევენციის მიზნით, საგრანტო კონკურსი გამოაცხადა. 

საგრანტო დაფინანსება სამი მიმართულებით გაიცემა: ქალთა მიმართ ძალადობის შესახებ საზოგადოების ინფორმირება, ყოფილი პატიმრებისთვის ტატუს მოშორებისა და დანაშაულის ჩადენის რისკ ჯგუფს მიკუთვნებული არასრულწლოვნებისთვის არტ-თერაპიის სერვისების შეთავაზება.

ქალთა მიმართ ძალადობის პრევენციის მიზნით, გრანტის მიმღებმა ორგანიზაციამ უნდა უზრუნველყოს საქართველოს მასშტაბით  საინფორმაციო შეხვედრების ჩატარება. კამპანიის მიზანია  მოსახლეობის ინფორმირება ქალთა მიმართ ძალადობის, ამ დანაშაულთან ბრძოლისა და მსხვერპლის დაცის  მექანიზმების შესახებ. საზოგადოების ინფორმირება ამ თემებზე ხელს შეუწყობს ოჯახში ძალადობრივი  დანაშაულის პრევენციას. დაეხმარება საზოგადოებას, შეიტყოს, თუ რა სასჯელია გათვალისწინებული მოძალადის მიმართ და რა დახმარებას სთვაზობს სახელმწიფო დანაშაულის შესაძლო მსხვერპლს. როგორც ცნობილია, სტამბულის კონვენციასთან ქართული კანონმდებლობის შესაბამისობაში მოყვანისთვის, იუსტიციის სამინისტრომ 22 კანონში  საკანონმდებლო ცვლილებები შეიმუშავა. 

ყოფილ პატიმრებსა და რისკ ჯგუფს მიკუთვნებულ არასრულწლოვნებს,  საგრანტო კონკურსში გამარჯვებული ორგანიზაცია ტატუს მოშორების სერვისს შესთავაზებს. სასჯელაღსრულების დაწესებულების დატოვების შემდეგ,  სხეულზე გაკეთებული ნახატები ყოფილ პატიმრებს ხელს უშლის საზოგადოებაში ინტეგრაციაში, უჭირთ სამუშაოს მოძიება, არიან ნაკლებად თავდაჯერებულები, განიცდიან დისკომფორტს. ამიტომ, ტატუს მოშორების სერვისი მათი საზოგადოებაში ინტეგრაციის ერთ-ერთი წინაპირობაა.

არტ-თერაპიის მიმართულებით საგრანტო კონურსის მიზანი კი დანაშაულის ჩადენის რისკ ჯგუფს მიკუთვნებული მოზარდების დახმარებაა. არასრულწლოვნები 10-12 მონაწილისგან შემდგარ 4 ჯგუფში ჩაერთვებიან, ტრენინგებსა და სემინარებს გაივლიან და მათთვის საჭირო ფსიქოლოგიურ დახმარებას მიიღებენ. 

საგრანტო კონკურსს ადმინისტრირებას იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ გაუწევს. ჯამში, გამარჯვებული  ორგანიზაციები  სერვისებისათვის 45. 000 ლარს მიიღებენ.

საგრანტო კონკურსის შესახებ განაცხადი იუსტიციის სამინისტროს ვებგვერდზე უკვე გამოქვეყნდა. განაცხადის წარდგენის ბოლო ვადაა 2015 წლის 6 ოქტომბერი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას