2020-12-06 15:19:53, 553 ნახვა

---

ბათუმში აქციის მონაწილეებმა ნაძვის ხე პროდუქტების იმ ჩამონათვალით მორთეს, რომელზეც საქართველოში ფასი გაიზარდა

ბათუმში აქციის მონაწილეებმა აჭარის მთავრობის სახლის წინ რამდენიმე საათის წინ დადგეს ნაძვის ხე, რომელიც საკვები პროდუქტების იმ ჩამონათვალით არის  მორთული, რომელზეც საქართველოში დღეს ფასი გაიზარდა.

როგორც მედიის ეთერიდან ირკვევა, ეს პროდეუქტები გახლავთ: ფქვილი, ბრინჯი, ხორცი, ზეთი, შაქარი და ა.შ.

მედიაში აცხადებენ, რომ ეს არის არასამთავრობა ორგანიზაცია „იმოქმედეს“ ინიციატივით აწყობილი საახალწლო ნაძვის ხე.

შეგახსენებთ, რომ ბათუმში აქცია უკვე 34 დღეა, რაც უცვლელად მიმდინარეობს.

„კიდევ ერთხელ შევიკრიბეთ, უცვლელი ორი მოთხოვნით და ეს მოთხოვნები ახალი არჩევნები და "ქართული ოცნების" ზეწოლისგან ცესკოს ადმინისტრაციის გათავისუფლებაა“, - აცხადებს აქციის ერთ-ერთი მონაწილე „ტვ პირველთან“ საუბრისას.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი