გია ვოლსკი: რუსეთის მოქალაქეებს აქ არ ემუქრებათ რაიმე საშიშროება - მათ საშიშროება ემუქრებათ რუსეთში

2020-11-28 17:05:27, 606 ნახვა

პოლიტიკა

რუსეთის მოქალაქეებს აქ არ ემუქრებათ რაიმე საშიშროება, რუსეთის მოქალაქეებს საშიშროება ემუქრებათ რუსეთში, - ამის შესახებ „ქართული ოცნების“ წევრმა, გია ვოლსკიმ განაცხადა.

მისი თქმით, რუსეთი ყოველთვის თავისთვის სასარგებლო განცხადებებს გააკეთებს და ამაში ორი აზრი არ არსებობს.

„რა საკვირველია რუსეთი ყოველთვის თავისთვის სასარგებლო განცხადებებს გააკეთებს. ამაში ორი აზრი არ არსებობს, საქმე იმაშია, რომ ამ განცხადებებს, რომლებიც თავის სასარგებლოდ ჟღერდება, უნდათ რომ რაღაცა შედეგი მიიღონ და სპეკულაციურად გამოიყენონ ჩვენმა ოპონენტებმა, ეს იმდენად ფსკერზე დევს, რომ დამატებითი კომენტარიც არ შეიძლება იყოს. რუსეთის მოქალაქეებს აქ არ ემუქრებათ არანაირი საშიშროება. რუსეთის მოქალაქეებს საშიშროება ემუქრებათ რუსეთში“, - განაცხადა ვოლსკიმ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან