საქართველოს ეკონომიკისა და მდგრადი განვითარების მინისტრი  ბათუმში ახალი მასშტაბური პროექტის, მულტიფუნქციური კომპლექსის პრეზენტაციას დაესწრო.

ეკონომიკის სამინისტრს ინფორმაციით, ოპერატორ კომპანიასთან, შემდგომში ორი 5-ვარსკვლავიანი სასტუმროს მშენებლობის შესახებ, ხელშეკრულებას მოეწერა ხელი.

 ღონისძიებაში მონაწილეობა მიიღეს აჭარის მთავრობის მეთაურმა და სხვა ოფიციალურმა პირებმა.

როოგრც უწყებაში აცხადებენ, პროექტ „თეთრი იალქნების“ მშენებლობას შპს „ეიერ-მერიდიანსი“ ახორციელებს. კომპანია რამდენიმე წლის განმავლობაში პროექტში 30 მლნ აშშ დოლარის ინვესტიციას განახორციელებს. პროექტის თანახმად, სასტუმროების გარდა აქ აშენდება არანაკლებ 6 აპარტ-ოტელი, სამორინე, საკონფერენციო დარბაზი, სპორტულ-გამაჯანსაღებელი ცენტრი, სხვადასხვა ტიპის კვების ობიექტები, მოეწყობა არანაკლებ 13 000 (ცამეტიათასი) კვ.მ-ზე მიწის ნაკვეთზე სარეკრეაციო ზონა და ავტოსადგომი.

დიმიტრი ქუმსიშვილმა მისასალმებელი სიტყვით მიმართა დამსწრე საზოგადოებას, სადაც საქართველოში ტურისტული ინფრასტრუქტურის განვითარების აუცილებლობასა და მნიშვნელობაზე ისაუბრა.

 ამასთან, მინისტრმა ხაზი გაუსვა, რომ მე-2 კვარტლის მონაცემებით, პირდაპირი უცხოური ინვესტიციების დადებითი მაჩვენებლებია, იზრდება ინვესტიციების მოცულობა.

დიმიტრი ქუმსიშვილის განცხადებით, ეს ყველაფერი იმაზე მეტყველებს, რომ საქართველოს მთავრობა სწორ ეკონომიკურ პოლიტიკას ატარებს.

 „შესაბამისად, ჩვენ ყველა რეგიონში გვაქვს ახალი პროექტები და ინვესტიციები“, - აღნიშნა მინისტრმა.

პროექტის მიმდინარეობისას რეგიონში იქმნება ასობით ახალი სამუშაო ადგილი -მშენებლობის პროცესში მინიმუმ 300 ადამიანი დასაქმდება, კომპლექსის ამოქმედების შემდეგ კი ობიექტზე 250 ადამიანი. დასაქმებულთა არანაკლებ  80%-ის აქართველოს მოქალაქე იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი