აშშ-ში საპრეზიდენტო არჩევნების შემდეგ ხმების დათვლის პროცედურა კვლავ გრძელდება, რასაც თან ახლავს მასობრივი საპროტესტო გამოსვლები, როგორც კანდიდატების მომხრეების, ასევე მათი ოპონენტების მხრიდან.

ვაშინგტონში ათასობით ადამიანი მონაწილეობს პრეზიდენტ დონალდ ტრამპის წინააღმდეგ გამართულ აქციებზე, რომლებიც თეთრი სახლის ტერიტორიაზე მიმდინარეობს.

მოქმედი სახელმწიფოს მეთაურის მომხრეებმა მასშტაბური მიტინგი გამართეს ფილადელფიაში - აღნიშნული აქცია მას შემდეგ დაიწყო, რაც დონალდ ტრამპმა განაცხადა, რომ პენსილვანიაში ხმების დათვლის პროცედურა დარღვევებით წარიმართა. დონალდ ტრამპი ამტკიცებს, რომ აღნიშნულ შტატში უსწრებს ჯო ბაიდენს, თუმცა არჩევნების წინასწარი მონაცემები სხვას მიანიშნებს.

კანდიდატთა მხარდამჭერთა კამპანიები სხვა შტატებშიც მიმდინარეობს, სადაც ჯერჯერობით კენჭისყრის წინასწარი შედეგები არ იძლევა საშუალებას, რომელიმე კანდიდატის გამარჯვების შესახებ დამაჯერებლად ისაუბრონ. ასე და ამგვარად, დონალდ ტრამპის მომხრეებმა გადაწყვეტიეს არიზონას საარჩევნო კომისიის პიკეტირება, სადაც ჯო ბაიდენი თითქმის ყველა ბიულეტინის დათვლით, იმარჯვებს.

შტატებში, სადაც „დემოკრატებს“ უპირატესობა გააჩნიათ, ჯო ბაიდენის მომხრეები გამარჯევბას ზეიმობენ. მოძრაობა Black Lives Matter-ის წევრები ქუჩაში გამოვიდნენ და ქვეყნის პოლიტიკური კურსის შეცვლა მოითხოვეს. როგორც აქტივისტები აცხადებენ, მათი მთავარი მიზანია, გაათავისუფლონ თეთრი სახლი დონალდ ტრამპისგან.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია