ცესკო - დაფინანსებულ გვერდზე ვრცელდება თითქოს გაყალბებული ოქმები, რომლის მიზანი საარჩევნო პროცესისადმი უნდობლობის გაჩენაა

2020-11-04 13:08:30, 4135 ნახვა

ცესკოს ადამიანური რესურსების მართვის დეპარტამენტის უფროსი გიორგი კალანდარიშვილი აცხადებს, რომ სოციალურ ქსელში შეიქმნა გვერდი „გაყალბებული ოქმები“.

მისი თქმით, მსგავსი გვერდების მიზანი საარჩევნო პროცესისადმი უნდობლობის გაჩენაა.

„სოციალურ ქსელში შეიქმნა გვერდი „გაყალბებული ოქმები“. მსგავს დაფინანსებულ გვერდზე გავრცელებული ოქმები, რომლებიც თითქოს გაყალბებულია, მიზნად ისახავს საზოგადოების აზრის მანიპულაციას და ჩვენი მოქალაქეების დეზინფორმაციას და საარჩევნო პროცესისადმი უნდობლობის გაჩენას“, - განაცხადა კალანდარიშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან