2020-10-01 18:11:47, 586 ნახვა
სამართალი
თბილისის საქალაქო სასამართლომ ექიმი ვახტანგ ყიფიანი გირაოს სანაცვლოდ გაათავისუფლა
თბილისის საქალაქო სასამართლომ თბილისის ცენტრალური საავადმყოფოს ექიმი ვახტანგ ყიფიანი გირაოს სანაცვლოდ გაათავისუფლა.
შესაბამისი გადაწყვეტილება საქალაქო სასამართლოში ცოტა ხნის წინ მიიღეს.
ყიფიანი საპატიმროს 50 ათას ლარიანი გირაოს სანაცვლოდ დატოვებს.
დღევანდელ პროცესზე მხარეებმა აღკვეთის ღონისძიების სახე გადასინჯეს, სადაც დაცვის მხარე პატიმრობის გირაოთი შეცვლას მოითხოვდა. აღნიშნული შუამდგომლობა მოსამართლემ დააკმაყოფილა.
შეგახსენებთ, რომ თბილისის ცენტრალური საავადმყოფოს დირექტორი და ექიმი მიმდინარე წლის 4 აგვისტოს დააკავეს. ხოლო უკანონო საექიმო საქმიანობის ფაქტზე, მაგდა ხოჭოლავას მიმართ დაუსწრებლად იქნა გამოტანილი დადგენილება ბრალდებულად პასუხისგებაში მიცემის შესახებ.
ავტორი: ექსპრესნიუსი,
epn.ge (@expressnews.ge)
