გორსა და ხაშურში ახალაშენებულ კორპუსებში საცხოვრებელი ფართი კიდევ 37 დევნილ ოჯახს გადაეცა.  იძულებით გადაადგილებულ ოჯახებს ბინის მიღება სააგენტოს დირექტორმა ბესარიონ სიმონიშვილმა მიულოცა.

„გილოცავთ კიდევ ერთხელ,  დღეიდან,  თითოეული თქვენგანი ახალ ცხოვრებას იწყებს.  სიმბოლურია, რომ დღეს დევნილ ოჯახებს ბინებს, გორში საოკუპაციო ხაზიდან სულ რამდენიმე კილომეტრში, სწორედ იმ ქალაქში გადავცემთ, რომელსაც ყველაზე მეტად შეეხო ომი 12 წლის წინ.    მე ძალიან კარგად მესმის თქვენი ტკივილი, რადგან ე.წ საზღვარი დღეს  სწორედ ჩემს მშობლიურ სოფელზე გადის. მიუხედავად ამისა, დღეს საზეიმო დღე გვაქვს, 37 ოჯახი საკუთარი ბინის გასაღებს მიიღებს. 2013 წლიდან, ჩვენ ყოველდღიურად ვზრუნავთ, რომ თითოეულ დევნილს ღირსეული საცხოვრებელი პირობები ჰქონდეს.  დღეიდან,  უკვე თქვენც შეუერთდებით იმ 21 000-ზე მეტ  ოჯახს,  რომლებიც ამ პერიოდის განმავლობაში ახალი საცხოვრებელი გადაეცათ. მჯერა, რომ თითოეული ადამიანი ვინც იძულებული გახდა საკუთარი სახლი დაეტოვებინა უკან მშვიდობიანი გზით დაბრუნდება, მანამდე კი, ახალ სახლებში ბედნიერ ცხოვრებას გისურვებთ“, - განაცხადა ბესარიონ სიმონიშვილმა.

2013 წლიდან დღემდე,  საქართველოს მასშტაბით, სხვადასხვა პროგრამების ფარგლებში  საცხოვრებელი 21 655 დევნილ ოჯახს გადაეცა.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს