სესიაშვილი ყარაბაღში მიმდინარე მოვლენებზე - შეგვიძლია ვიყოთ პროაქტიული, თუ მხარეებს სამშვიდობო პროცესში ჩართვის სურვილი ექნებათ

2020-09-28 13:36:17, 474 ნახვა

პოლიტიკა

შეგვიძლია ვიყოთ პროაქტიული, თუ მხარეებს ჩვენი სამშვიდობო პროცესში ჩართვის სურვილი ექნებათ, - ყარაბაღში მიმდინარე მოვლენებთან დაკავშირებით საპარლამენტო უმრავლესობის ლიდერმა, ირაკლი სესიაშვილიმა განაცხადა.

მისი თქმით, საქართველოს ერთგვარად ნეიტრალური პოზიცია უკავია და ეს ძალიან კარგად ესმით ჩვენს მეზობლებს.

„საქართველოს ერთგვარად ნეიტრალური პოზიცია უკავია და ეს ძალიან კარგად ესმით ჩვენს მეზობლებს იმიტომ, რომ თავადაც უფრთხილდებიან ჩვენს ნეიტრალიტეტს. ჩვენ ნებისმიერ დროს შეგვიძლია ვიყოთ პროაქტიული თუკი ამის მოცემულობა და მხარეების სურვილი იქნება, რომ ჩავერთოთ სამშვიდობო პროცესში.

შეიძლება ითქვას, დარწმუნებულიც ვარ, რომ აქ უფრო მსხვილი სუბიექტები არ ჩაერთვებიან პროცესში, რადგან ყველას კარგად ესმის, რომ ეს მიგვიყვანს საერთაშორისო კრიზისამდე და გავლენას მოახდენს არა მხოლოდ რეგიონზე, არამედ შეიძლება მსოფლიო პრობლემატიკაზეც. ამიტომ მაქვს მოლოდინი, რომ უფრო მეტი ძლიერი აქტორი ჩაერთვება მშვიდობის და სტაბილურობის მოწოდების პროცესში“, - განაცხადა სესიაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან