დავით ზალკალიანი - საპარლამენტო არჩევნებზე იქნებიან ამერიკელი დამკვირვებლები

2020-09-17 16:21:38, 540 ნახვა

პოლიტიკა

საგარეო საქმეთა მინისტრის, დავით ზალკალიანის განცხადებით, - საპარლამენტო არჩევნებზე იქნებიან ამერიკელი დამკვირვებლები.

მისი თქმით, ეუთო/ოდირის მისიის ფარგლებში არჩევნებზე 28 გრძელვადიანი და 350 მოკლევადიანი დამკვირვებელი იქნება.

„აშშ-ს სახელმწიფო მდივანი იზიარებს ხელისუფლების მხრიდან გადადგმულ ნაბიჯებს მოახლოებული საპარლამენტო არჩევნების ეუთოს სტანდარტების შესაბამისად ჩატარებასთან დაკავშირებით. ჩვენ მივიღეთ მისგან მხარდაჭერა, რომ ამ არჩევნებზე იქნებიან ამერიკელი დამკვირვებლები, რომლებიც მთავარ სადამკვირვებლო მისიაში იქნებიან ჩართული და ეს მისია გახლავთ ეუთოს/ოდირის სადამკვირვებლო მისია, სადაც გვეყოლება როგორც გრძელვადიანი 28 დამკვირვებელი, ისე 350 კაცი მოკლევადიანი დამკვირვებელი. ადგილზე იქნებიან აშშ-ს წარმომადგენლებიც“, - განაცხადა ზალკალიანმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან