ეთნიკური უმცირესობებისათვის სახელმწიფო ენის შესწავლასა და ინტეგრაციაში დახმარების მიზნით იუსტიციისა და განათლების სამინისტროებს შორის მემორანდუმი გაფორმდა.

მემორანდუმს ხელი იუსტიციის მინისტრმა თეა წულუკიანმა და განათლებისა და მეცნიერების მინისტრმა თამარ სანიკიძემ დაბა კაზრეთში მოაწერეს.

დოკუმენტი სახელმწიფო სერვისების განვითარების სააგენტოსა და ზურაბ ჟვანიას სახელობის სახელმწიფო ადმინისტრირების სკოლის ურთიერთთანამშრომლობას ითვალისწინებს.

მემორანდუმის თანახმად, ეროვნული უმცირესობებით კომპაქტურად დასახლებულ რეგიონებში მოსახლეობისა და მოქმედი საზოგადოებრივი ცენტრების პერსონალისათვის ქართული ენის სწავლების სპეციალური კურსები დაიგეგმება.

იუსტიციის სამინისტროს სსიპ „სახელმწიფო სერვისების განვითარების სააგენტო“ განათლებისა და მეცნიერების სამინისტროს სსიპ „ზურაბ ჟვანიას სახელობის სახელმწიფო ადმინისტრირების სკოლასთან“ ერთად შეიმუშავებს, დაგეგმავს და განახორციელებს სწავლების ისეთ სისტემას, რომელიც დაეხმარება ეროვნული უმცირესობების სრულფასოვან ინტეგრაციას ქართულენოვან საზოგადოებასთან. ამასთან, პერსონალის კვალიფიკაციის ამაღლებით ქართული ენის სწავლების კურსები ხელს შეუწყობს საზოგადოებრივ ცენტრებში კიდევ უფრო მაღალი სტანდარტის მომსახურების მიწოდებას.

მემორანდუმს საფუძველი ფოკის საზოგადოებრივ ცენტრში წარმატებით განხორციელებული პროექტის შემდეგ ჩაეყარა, სადაც იუსტიციის მინისტრის ინიციატივით ადგილობრივი მოსახლეობისათვის ინტენსიურად მიმდინარეობდა ქართული ენის სწავლების დისტანციური კურსი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს