„გუნდს არ ვტოვებ გულშემატკივრებისა და იმ საქმის გამო რაც ბოლომდე მაქვს მისაყვანი“ , - ამის შესახებ გორის „დილას“ მწვრთნელმა, გიორგი ნემსაძემ „ექსპრესნიუსთან“ საუბრისას განაცხადა.

მან ასევე აღნიშნა, რომ თუ სეზონის დასრულების შემდეგ გუნდი პირობებს შექმნის ის ისევ დარჩება.

„საუბარი რა თქმა უნდა იყო არსებულ სიტუაციზე, გუნდს მწვრთნელი აღარ ჰყავდა და დამიკავშირდნენ. თუმცა „დილაში“ ბევრი გავაკეთე, გუნდი აქამდე მოვიყვანე და შუა გზაში არ მივატოვებდი.

გულშემატკივრების რეაქციაც მესმის და სწორიც იყო, მაგრამ მათ ბევრი რამ არ იციან. დიდი სიამოვნებით გავესაუბრებოდი, მათი მხოლოდ მადლიერი ვარ და შემდეგში ეგრე ვიქნები.

გუნდში თითქმის ერთი წელია მოვედი და ამბიციები ხუთელში მოხვედრა იყო, თუმცა ლიდერადაც ჩამოვყალიბდით და სამეულზე მეტის შანსი გაჩნდა. შესაბამისად ამბიციებიც გაიზარდა, თუმცა ჯერ არ მიღწეულ შედეგამდე რომ ხელს არ მიწყობენ ეს გულსაც მიცრუებს. პანდემიეს შემდეგ გუნდი შევათამაშე, თამაშიდან თამაშამდე მოვუმატეთ და შედეგსაც ხედავთ - პარალერულად ყველანაირად ხელშემშლელი ფაქტორებია.

შუა სეზონში, როდესაც მიზანთან ძალიან ახლოს ხარ, ფეხბურთელები არ უნდა გაუშვა. ეს როგორც გუნდზე, ასევე ჩემზეც მოქმედებს. სეზონი წელს ყველაზე დაძაბულია და გვაქვს შანსი გავიდეთ ევრო ტურნირებზე, თუ ეს არ არის გუნდის მიზანი და ამბიცია მაშინ ესეც უნდა ვიცოდე და ვიბრძოლებთ მარტივად დასარჩენად, ეგ არ იქნება პრობლემა.

გუნდში დავრჩები სეზონის ბოლომდე და დაწყებულ საქმეს ბოლომდე მივიყვან, თუ ამის შემდეგ ხელშემწყობ ფაქტორებსა და მათ მოცემულ სიტყვას საქმეში დავინახავ კიდევ დავრჩები“ , - განაცხადა გიორგი ნემსაძემ.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს